ABŞ Hərbi Dəniz Qüvvələrinə məxsus daha bir 60 milyon dollarlıq döyüş təyyarəsi Truman təyyarə gəmisindən dənizə düşüb.
Gununsesi.info xarici mediaya istinadən xəbər verir ki, USS Harry S. Truman təyyarədaşıyan gəmisindən havaya qalxan daha bir F/A-18 Super Hornet qırıcısı Qırmızı dənizdə qəzaya uğrayıb.
Təyyarə bir həftə ərzində dənizdə itən ikinci döyüş təyyarəsi olub. ABŞ iki təyyarənin qəzaya uğraması nəticəsində 120 milyon dollar itirib .
Hadisə ilə bağlı təhqiqat davam edərkən, iki mənbə CNN-ə bildirib ki, təyyarənin gəmiyə enişi zamanı tutacaq kabelində problem olub, pilot və silah sistemləri üzrə məsul işçini təyyarədən atmağa məcbur edib. Pilotlar xilasedici helikopter vasitəsilə xilas edilib. Təyyarənin dənizə düşdüyü və hələ də tapılmadığı bildirilir.
Bu arada, prezident Donald Trampın qrupla atəşkəs elan etməsindən sonra çərşənbə axşamı İranın dəstəklədiyi husilərin Truman gəmisinə “hücum cəhdi” etdiyi bildirilir. Dörd mənbə bu məlumatı təsdiqləyib. Bu iki hadisənin əlaqəsi olub-olmadığı hələlik məlum deyil.
Orxan
