close
Connect with us

Hi, what are you looking for?

သတင်း

လောင်းလုံးမြို့နယ်ကို စစ်ကြောင်းထိုးသည့် စစ်ကောင်စီတပ်က ပြည်သူသုံးဦးကို သတ်ဖြတ်ပြီး အလောင်းစွန့်ပစ်

နှစ်ဦးကိုလည်လှီးသတ်ခဲ့ပြီး ကညုံကျွန်းရွာအသက်၇၀အရွယ်အမျိုးအားအဓမ္မပြုကျင့်ခဲ့​

ကညုံကျွန်းမှ နေအိမ်အချို့ကိုစစ်တပ်က မီးရှို့ဖျက်ဆီးခြင်း၊ နေအိမ်များကိုရိုက်ဖွင့်ခြင်း၊ PDF များကို ရိုင်းစိုင်းပြီး စိန်​ခေါ်​သောစာများ​ရေးသာခဲ့သည်။ ထိုရွာမှ ပြည်သူ ၁ ဦးအသတ်ခံရပြီး အသက် ၇၀ အရွယ်အမျိုးသမီးကိုစစ်တပ်က အဓမ္မအကြိမ်ကြိမ်ကျူးလွန်ခဲ့သည်။ ဓာတ်ပုံ - ပေးပို့

ဇွန်-၂၈၊၂၀၂၅။ကျော်ဇော/People’s Spring

ထားဝယ်ခရိုင်၊လောင်းလုံးမြို့နယ်သို့ စစ် ကြောင်းထိုးသည့်စစ်တပ်ကဒေသခံပြည်သူသုံးဦးကို သတ်ဖြတ်အလောင်းစွန့်ပစ်ခဲ့ရာ နှစ်ဦးကိုလည်လှီးသတ်ဖြတ်သွားကြောင်းမြို့နယ်ပကဖပြန်ကြားရေးတာဝန်ခံ ရဲဘော်ရှဲဒိုးက လူထုနွေဦးသို့ ပြောသည်။

လောင်းလုံးမြို့ပေါ်မှ ၅ မိုင်ခန့်အကွာတွင်ရှိသည့် ကညုံကျွန်းရွာသို့ စစ်ကောင်စီတပ်မှ အင်အား ၂၀၀ ကျော်ဖြင့် ဇွန်လ ၈ ရက်နေ့တွင် စတင်ဝင်ရောက်ခဲ့ခြင်းဖြစ်ပြီး ဇွန်လ ၂၃ ရက်တွင်မှ ပြန်ထွက်သွားရာ သတ်ဖြတ်ခံထားရသည့် ဒေသခံသုံးဦး၏ရုပ်အလောင်းများကို တစ်နေရာစီ၌ ရှာဖွေတွေ့ရှိခဲ့ခြင်းဟု ရဲဘော်ရှဲဒိုးက ပြောသည်။

“ပထမတစ်လောင်းတွေ့တာကပြင်းထိန်ရွာကဆီအုန်းခြံထဲမှာ။ ဒုတိယအလောင်းက သဗျာရွာအနောက်ဘက်က်တောထဲမှာ။ တတိယအ လောင်းက ကညုံကျွန်းရွာ လယ်ကွင်းထဲမှာဗျ။ လယ်ကွင်းထဲတွေ့တာတော့ ဘယ်လိုသတ်ခဲ့မှန်းတောင်မသိတော့ဘူးဗျ။ရက်ကြာပြီဆိုတော့ရုပ်ပျက်နေပြီ”ဟု ၎င်းက ဆက်ပြောသည်။

Public Service Announcement

Public Service Announcement

စစ်ကောင်စီတပ်၏ ရက်ရက်စက်စက်သတ် ဖြတ်ခထားရသူများအနက် လည်လှီးသတ်ဖြတ်ခံရသူနှစ်ဦးမှာ ကညုံကျွန်းရွာမှတစ်ဦး၊ သဗျာရွာမှ တစ်ဦးဖြစ်ပြီး နှစ်ဦးလုံးစိတ်ကျန်းမာရေးမကောင်းသူများဖြစ်ကာ အသက် ၄၀ ဝန်းကျင်အရွယ် အမျိုးသားများဖြစ်ကြောင်း လောင်းလုံး ပကဖ ထံမှ သိရသည်။

ထိုအပြင်ပုပ်ပွရုပ်ပျက်နေသည့် ရုပ်အလောင်းမှာလည်း ကညုံကျွန်းရွားသားဖြစ်သည်ကို အတည်ပြုနိုင်ခဲ့ကြောင်း ပကဖ ပြန်ကြားရေးတာဝန်ခံက ရှင်းပြသည်။

“အိမ်တွေလည်း မီးရှို့ခံရတာရှိတယ်။ တစ်ရွာလုံးအိမ်တွေအကုန်ရိုက်ဖွင့်ပြီးတန်ဖိုးရှိပစ္စည်းတွေ၊ ဆိုင်ကယ်တွေ၊ အကုန်ယူသွားတယ်။ ကျန်ခဲ့တာတွေက အကုန်လုံးသုံးမရအောင်ဖျက်ဆီးခဲ့တယ်။ ပြည်သူ ၁၀၀ နီးပါဖမ်းသွားတယ်။ အခုတော့ ၉၅ ယောက် ပြန်လွတ်လာကြပြီ”ဟု ပြန် ကြားရေးတာဝန်ခံ ရဲဘော်ရှဲဒိုးက ကညုံကျွန်းရွာအခြေအနေကို လူထုနွေဦးသို့ ပြောသည်။

စစ်ကောင်စီတပ်သားများ ကညုံကျွန်းရွာ၌ ဝင်ရောက်တပ်စွဲထားစဥ် ပြည်သူပိုင်နေအိမ် ၁၀ လုံးထက်မနည်းကို မီးရှို့ဖျက်ဆီးခဲ့သည့်အပြင် နေအိမ်များကို ဖောက်ထွင်းကာ တန်ဖိုးကြီးပစ္စည်းများလည်း ခိုးယူသွားကြောင်း လောင်းလုံးမြို့နယ်ရှိ ဒေသခံပြည်သူများကလည်း ပြောသည်။

အဆိုပါ စစ်ကြောင်းသည် ကမ်းရိုးတန်းဒေသတိုင်းစစ်ဌာနချုပ်လက်အောက်ခံ ထားဝယ်မြို့အခြေစိုက် ခလရ ၂၅ မှ အများဆုံးပါဝင်ပြီးသရက်ချောင်းအခြေစိုက် ခမရ ၄၀၄ နှင့် ခမရ ၄၀၅ အပါအဝင် စစ်မှုထမ်းတပ်သားသစ်များ၊ ပျူစောထီးများပူးပေါင်းထားကြောင်း ဒေသတော်လှန်ရေးတပ်ဖွဲ့များထံ စုံစမ်းသိရသည်။ ယင်းစစ်ကြောင်းသည် ကညုံကျွန်းရွာမှ ပြည်သူသုံးဦးကို သတ်ဖြတ်ခဲ့သည့်အပြင် အသက် ၇၀ ကျော် အမျိုးသမီးကြီးတစ်ဦးအား အကြိမ်ကြိမ်အဓမ္မပြုကျင့်မှု ကျူးလွန်ခဲ့သေးသည်။

လတ်တလောတွင်အထက်ပါစစ်ကောင်စီတပ်စစ်ကြောင်းများ ခလရ ၂၅ ဘက်သို့ တပ်ပြန်ဆုတ်သွားပြီဖြစ်သော်လည်း ထားဝယ်မြစ်အတွင်း ကျောက်ချထားသည့် စစ်သ​ဘော်များမှကျေးရွာများသို့ လက်နက်ကြီးပစ်ခတ်မှုနေကြောင်း သိရသည်။

ဆက်စပ်သတင်းများ

သတင်း

မန္တလေးတိုင်း ပြည်ကြီးတံခွန်မြို့နယ်၌ စစ်ကောင်စီတပ်၏ ပေါ်တာဆွဲဖမ်းဆီးခြင်းခံရစဉ် ပြန်လွတ်မြောက်ရေးအတွက် မိဘများက ကျပ်သိန်း ၁၅၀ ပေးခဲ့သော်လည်း လွှတ်ပေးခြင်းမရှိဘဲ တပ်သားသစ် စုဆောင်းခံခဲ့ရသည့် စစ်ကောင်စီတပ်သား ရဲရင့်ခန့်ညားက ကရင်အမျိုးသားလွတ်မြောက်ရေးတပ်မတော်(KNLA) ထံ အလင်းဝင်ခဲ့သည်။

သတင်း

စစ်ရေယာဉ်များ ဆားလင်ကြီးနယ်ထဲ ရောက်နေ

သတင်း

စစ်​ကောင်စီလေ​ကြောင်းမှဗုံးကြဲရာ စစ်သားများရှိရာသို့ကျရောက်ခဲ့ဟုKNU တပ်မဟာ(၄)​ပြော

သတင်း

​နွေဦး​တော်လှန်​ရေးတွင် စစ်တပ်ကိုခုခံတိုက်ခိုက်​နေ​​​သော ​တော်လှန်​ရေးအဖွဲ့များ တစ်ဖွဲ့ မှ မတက်​ရောက်ဘဲ စစ်တပ်ကိုမတိုက်သည့် လက်နက်ကိုင်အဖွဲ့များသာတက်​ခဲ့​သောနေပြည်တော်မှငြိမ်းချမ်းရေးဖိုရမ်သည် အမှန်တကယ် ငြိမ်းချမ်းရေးအတွက်ထိရောက်ခြင်းမရှိဘဲ စစ်ကောင်စီ ရပ်တည်နိုင်ရေး၊ အာဏာရယူရေးအတွက် ရည်ရွယ်ခြင်းသာဖြစ်ကြောင်း တော်လှန်ရေးအင်အားစုများမှတာဝန်ရှိသူများက ပြောကြားသည်။