close
Connect with us

Hi, what are you looking for?

သတင်း

သပိတ်ကျင်းနဲ့ မတ္တရာမြို့နယ်အရှေ့ခြမ်းကို စစ်တပ် လေကြောင်းတိုက်ခိုက်

မန္တလေးတိုင်း၊ သပိတ်ကျင်းမြို့နယ် ၇မိုင်မှာ တိုက်ပွဲ ပြင်းထန်နေပြီး စစ်ကောင်စီဘက်က ဒီနေ့ မနက်ပိုင်းမှာ လေကြောင်းတိုက်ခိုက်မှုတွေ ပြုလုပ်ခဲ့တယ်လို့ သိရပါတယ်။

စစ်တပ် တိုက်လေယာဥ်တွေ လေ့ကျင့်ပျံသန်းနေစဥ်။ ပုံဟောင်း

ဇွန်-၆၊၂၀၂၅။ မေ/People Spring

မန္တလေးတိုင်း၊ သပိတ်ကျင်းမြို့နယ် ၇ မိုင်မှာ တိုက်ပွဲ ပြင်းထန်နေပြီး စစ်ကောင်စီဘက်က ဒီနေ့ မနက်ပိုင်းမှာ လေကြောင်းတိုက်ခိုက်မှုတွေ ပြုလုပ်ခဲ့တယ်လို့ သိရပါတယ်။

ဒီနေ့ မနက် ၁၁ နာရီလောက်မှာ ၇မိုင် ရှေ့တန်းတနေရာကို တံတားဦး လေတပ်က တက်လာတဲ့ ဂျက်ဖိုက်တာနဲ့ လေကြောင်းတိုက်ခိုက်မှုပြုလုပ်ခဲ့တာလို့ ဒေသတွင်းသတင်းရင်းမြစ်တွေက ပြောပါတယ်။

“တမနက်လုံး ကြဲနေတာပါ။ တိုက်ပွဲတွေကတော့ ဆက်တိုက်ကိုဖြစ်နေတာပဲ”လို့ တော်လှန်ရေးတပ်ဖွဲ့ဝင်တစ်ဦးက ပြောပါတယ်။

Public Service Announcement

Public Service Announcement

အလားတူ မတ္တရာမြို့နယ်အရှေ့ခြမ်းမှာလည်း စစ်ကောင်စီဘက်က စစ်ကြောင်းတွေ ထိုးနေကာ စစ်ဘေးရှောင်စခန်း တစ်ခုအနီးကို လေကြောင်းတိုက်ခိုက်မှု ပြုလုပ်သွားတယ်လို့ ဒေသခံတွေက ပြောပါတယ်။

မနေ့ကလည်း စစ်ကောင်စီတပ်ဟာ တောင်တံရွာ၊ အယ်ဖာဘိလပ်မြေစက်ရုံအနီးနဲ့ စစ်ဘေးရှောင်စခန်းတစ်ခုအနီးတို့ကို လေကြောင်းတိုက်ခိုက်မှု ပြုလုပ်ခဲ့တယ်လို့ သိရပါတယ်။

“မတ္တရာ အရှေ့ခြမ်းကတိုက်ပွဲက မနားတာ နှစ်ဝက် လောက်ရှိပြီ။ စကစဘက်ကလည်း အင်အားတွေ ထပ်တိုးပြီး လေယာဉ်ပစ်ကူနဲ့ စစ်ကြောင်းတွေထိုးနေတယ်”လို့ မတ္တရာမြို့နယ်က တော်လှန်ရေးတပ်ဖွဲ့ ဝင်တစ်ဦးက ပြောပါတယ်။

စစ်ကောင်စီဟာ မန္တလေးတိုင်းအတွင်းက သပိတ်ကျင်း၊ စဉ့်ကူးနဲ့ မတ္တရာမြို့နယ်တို့ကို နေ့စဉ်နီးပါး လေကြောင်းတိုက်ခိုက်တာတွေ ပြုလုပ်နေပြီး မနေ့က သပိတ်ကျင်းမြို့နယ်၊ ကျက်ရိုးပင်ရွာကို လေကြောင်းတိုက်ခိုက်ခဲ့ရာ ဘုန်းကြီးတစ်ပါးပျံလွန်တော်မူခဲ့ပါတယ်။

ဆက်စပ်သတင်းများ

သတင်း

မန္တလေး၊ စစ်ကိုင်းနဲ့ ကချင်ပြည်နယ်မှာ သပိတ်အဖွဲ့တွေ၊ ဒေသခံပြည်သူတွေက ဒီကနေ့ (မေလ ၂၇)မှာ စစ်အာဏာရှင်ဆန့်ကျင်ရေး ဆန္ဒပြသပိတ်လှုပ်ရှားမှုတွေ အသီးသီး ပြုလုပ်ခဲ့ကြပါတယ်။

သတင်း

မန္တလေးတိုင်း ၊ နွားထိုးကြီးမြို့နယ် ထဲက မာန်လည်ကျေးရွာကို မနေ့ (မေလ ၆ ရက်) နေ့ခင်းပိုင်း ၂ နာရီဝန်းကျင်မှာ စစ်ကောင်စီလေတပ်က ဗုံးကြဲတိုက်ခိုက်တာကြောင့် မိန်းကလေး ၁ ဦးအပါအဝင်အရပ်သား ၂ ဦး သေဆုံးခဲ့ရတယ်လို့ ဒေသခံအချို့ဆီကသိရပါတယ်။

Infographics

MNDAA ၊ TNLA ၊ AA တို့ရဲ့ ​မြောက်ပိုင်းညီ​နောင် မဟာမိတ် ၃ ဖွဲ့ နဲ့ မဟာမိတ်တပ်​တွေရဲ့ ၂၀၂၃ ​အောက်တိုဘာ၂၇ ရက်​နေ့မှာစတင်တဲ့ ၁၀၂၇ စစ်ဆင်​ရေးပထမပိုင်းမှာ ​တော်လှန်​ရေးတပ်​တွေက မြို့​ပေါင်း ၁၇ မြို့ သိမ်းပိုက်ခဲ့ပါတယ် ။ ဒါအပြင်...

ဆောင်းပါး

မီးလောင်ပြင်တွင် ဝမ်းနည်းပူ​ဆွေးစွာ ငိုကြွေးသံများ ဘဝဂ်ညံနေသည်။ အမျိုးသမီးအချို့က မြေပြင်၌လူးလိမ့်၍ငိုကြွေးနေကြသည်။ အမျိုးသားများကလည်း အော်ဟစ်၍ မီး​လောင်ပြင်တွင်အသက်ရှင်​နေသူများရှိဦးမလား ပြာပန်းခတ် ရှာ​ဖွေနေကြသည်။

Facebook