■စစ်အုပ်စုဝင် ၅၀ထက်မနည်းသေဆုံးပြီး လက်နက် ၃၀ခန့် သိမ်းရဟု စစ်ဆင်ရေးထုတ်ပြန်
မေ ၂၄၊၂၀၂၅။ရဲခေါင်/People’s Spring
မန္တလေးတိုင်းအတွင်း ၉/အညာမြေ စစ်ဆင်ရေးအဖြစ် မေလ ၁၅ရက်ကစ၍ မြင်းခြံ၊နွားထိုးကြီး၊တောင်သာနှင့် ငါးန်းဇွန်မြို့နယ်တို့ရှိ စစ်ကောင်စီဂိတ်စခန်းများတိုက်ခိုက်ရာ စစ်အုပ်စုဝင် ၅၀ထက်မနည်းသေဆုံးကာ လက်နက် ၃၀ခန့် သိမ်းဆည်းရရှိကြောင်း အဆိုပါ စစ်ဆင်ရေးက ယနေ့(မေလ ၂၄ရက်) ထုတ်ပြန်သည်။
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation 
မန္တလေးတိုင်း ၉/အညာမြေစစ်ဆင်ရေးအတွင်း သိမ်းရသော လက်နက်ခဲယမ်းများ။ ဓာတ်ပုံ − 9/A Nyar Myae Operation
မြင်းခြံခရိုင်စစ်ဌာနမှ ခရိုင်ကွပ်ကဲရေးမှူး၏ စီမံကွပ်ကဲမှုဖြင့် မြင်းခြံမြို့နယ်ရှိ ဆီးမီးခုံရဲစခန်း၊ ကျောက်ပြုတ်ရွာ ပျူစောထီးစခန်း၊တောင်ရှေ့ဂိတ်အထိုင်စခန်း၊ (၁၈)ရပ်ကွက်နှင့် ခရိုင်ထွေအုပ်ရုံးတို့ကို တိုက်ခိုက်ခဲ့သည်။
Public Service Announcement
ထို့အပြင် နွားထိုးကြီးမြို့နယ်ရှိ ဝက်လူးရဲစခန်း Gas ပိုက်လိုင်းနှင့် မြို့မစခန်း၊ ဇီရွာအနီး စစ်ကြောင်း ၊ တောင်သာမြို့နယ်တွင် ထနောင်းကုန်းပျူစောထီးရွာစခန်း၊ မြို့ဝင်ဂိတ် Gas ပိုက်လိုင်းနှင့် ငါန်းဇွန်မြို့နယ်ရှိ မြို့ဝင်ဂိတ်၊ မြို့သာဘဏ်စောင့်ကင်းစခန်းတို့ရှိ စစ်ကောင်စီတပ်သားများကို တပြိုင်တည်း တိုက်ခိုက်ခဲ့သည်ဟု ဆိုသည်။
စစ်ကောင်စီတပ်သား၊ ရဲနှင့် ပျူစောထီး စုစုပေါင်း ၅၀ ဦးထက်မနည်း သေဆုံးပြီး အများအပြားဒဏ်ရာရကာ သေနတ် ၂၇လက်နှင့် ခဲယမ်းများသိမ်းဆည်းရရှိခဲ့ကြောင်းဖော်ပြသည်။
တိုက်ခိုက်မှုအတွင်း စစ်ကောင်စီ၏ လေကြောင်းပစ်ကူ Jet Fighter ၊ Y−12 နှင့် Mi−35 တို့ဖြင့် ဗုံးကြဲလေကြောင်းတိုက်ခိုက်ခဲ့သော်လည်း ရဲဘော်များ အထိအခိုက်မရှိခဲ့ကြောင်း အသိပေးထားသည်။
သိမ်းဆည်းရရှိသည့်လက်နက်များအရ MA 11 နှစ်လက်၊MA 13 သုံးလက်၊G3 နှစ်လက်၊ MA 3 သုံးလက်၊ပါရီ နှစ်လက်၊ကာဘိုင်တစ်လက် ၊လက်လုပ်အတို တစ် လက်၊ ၉လုံး နှစ်လက်၊ M22 လက်လုပ် တစ်လက်၊ MA 1 ရှစ်လက်၊ MA 2 နှစ်လက်နှင့် ကျည်ဘောက် ၄၃ခုတို့ ဖြစ်ကြောင်း ထပ်မံဖော်ပြထားသည်။
ထို့အပြင် ကျည်များ ဂျန်ပါ တစ်လုံး၊ မိုင်းရှာစက်တစ်လုံး ဆိုင်ကယ် ၁၅စီးနှင့် ငွေကျပ် သိန်း၁၀၀ နီးပါး သိမ်းဆည်းရရှိခဲ့ကြောင်း ဖော်ပြသည်။
အဆိုပါ တိုက်ပွဲဖော်ဆောင်မှုအား မြင်းခြံခရိုင် Commando ၊ မြင်းခြံခရိုင်တပ်ရင်း (၁၊၂၊၃၊၄၊၆၊၇၊၈၊၉၊၁၀) ၊မြင်းခြံခရိုင် ဒရုန်းတပ်ဖွဲ့၊မြင်းခြံမြို့နယ် ပကဖ၊နွားထိုးမြို့နယ် ပကဖ၊တောင်သာမြို့နယ် ပကဖ၊ငါန်းဇွန်မြို့နယ် ပကဖ၊ကျောက်ဆည်ခရိုင် Commando၊မိတ္ထီလာခရိုင်အမှတ်(၃) တပ်ရင်း၊နေပြည်တော် အမှတ်(၈၀၁)တပ်ရင်းတံတားဦးမြို့နယ် ပကဖနှင့် မိတ္ထီလာ ပကဖတို့ ပူးပေါင်းတိုက်ခိုက်ခဲ့ကြောင်းလည်း ထုတ်ပြန်ချက်တွင် ဖော်ပြထားသည်။
မြင်းခြံ၊နွားထိုးကြီး၊တောင်သာနှင့် ငါးန်းဇွန်မြို့နယ်တို့၌ ခရိုင်အဆင့်စစ်ဆင်ရေး ဆက်လက်ဖော်ဆောင်မှု ရှိ၊မရှိနှင့် စခန်းသိမ်းတိုက်ပွဲများနှင့်ပတ်သက်ပြီး ၉/ အညာမြေ စစ်ဆင်ရေးတာဝန်ရှိသူထံလူထုနွေဦးက ဆက်သွယ်မေးမြန်းထားဆဲ ဖြစ်သည်။
