Peruda tapılan üçbarmaqlı mumiya alimləri arasında müzakirələrə səbəb olmaqda davam edir.
Gununsesi.info xəbər verir ki, Mütəxəssislər bunun böyük bir saxtakarlıq olduğunu iddia edərkən, bir qrup tədqiqatçı mumiyaların bioloji cəhətdən real olduğunu və birinin hətta hamilə olduğunu iddia etdi.
Yadplanetli mumiyalar elmi ictimaiyyət tərəfindən böyük ölçüdə saxtakarlıq kimi rədd edilsə də, nümunələri araşdıran bir qrup tədqiqatçı bunun əksini düşünür.
Meksika Hərbi Dəniz Qüvvələrinin Tibb Departamentinin keçmiş direktoru Dr. Xose Zalce 21 mumiyalanmış cəsədi araşdırdığını və bunların 100 faiz bioloji orqanizm olduğunu söylədi.
O, bildirib ki, DNT analizi və rentgen müayinəsi nəticəsində hətta bəzi nümunələrin hamilə olduğunu müəyyən ediblər.
Mumiyaları ilk dəfə 2023-cü ildə Meksika Konqresinə mübahisəli UFO tədqiqatçısı Jaime Maussan gətirib. Maussan bu varlıqların yer üzündəki təkamül prosesinin bir parçası olmadığını və onların genetik quruluşunun yüzdə 30-unun hələ də məlum olmadığını iddia etdi.
Bəzi ekspertlər mumiyaların insana bənzər xüsusiyyətləri olduğunu, lakin onların üç barmaqlı, uzunsov kəllə sümükləri və üz cizgiləri ilə naməlum hominin növünə aid ola biləcəyini irəli sürürlər. Digər tədqiqatçılar mumiyaların müasir yapışdırıcılarla birlikdə saxlanılan heyvan sümüklərindən hazırlanmış saxta artefaktlar olduğunu deyirlər.
Araşdırma zamanı mumiyaların bəzi yerlərində qızıl, gümüş və kadmium kimi metallar olan polimetal lövhələr tapılıb. Mütəxəssislər qeyd edirlər ki, bu materiallar müasir peyk texnologiyasında istifadə olunur. Lakin bu implantların hansı məqsədlə yerləşdirildiyi hələ də bəlli deyil.Peru hökuməti mumiyaların mənşəyini müəyyən etmək üçün daha çox genetik və məhkəmə-tibbi testlərə ehtiyac olduğunu açıqlayıb. Tədqiqatçılar yeni testlərin sirri həll edə biləcəyini düşünürlər.
