Alimlər İngiltərənin simvolu olan qədim Stounhenge ilə əlaqəli ola biləcək 4000 illik dairəvi taxta konstruksiyaya dair sübutlar tapıblar. Danimarkada kəşf edilən “Woodhenge”in Stonehenge ilə əlaqəli olduğu düşünülür. Tədqiqatçılar deyirlər ki, bu strukturlar 4000 il əvvəl Avropada ümumi bir inanc sisteminə işarə edir.
Gununsesi.info xarici mediaya istinadən xəbər verir ki, Arxeoloqlar Danimarkada 4000 illik dairəvi taxta konstruksiyaya dair sübutlar tapıblar.
Danimarkanın Aars şəhərində bir-birindən təqribən 30 metr məsafədə yerləşən dairədə qədim taxta parçalar aşkar edilib.
AFP xəbər agentliyinə danışan tədqiqatçılar, strukturun təxminən eramızdan əvvəl 2000-ci illərdə tikildiyini bildiriblər.
Vesthimmerland Muzeyinin mühafizəçisi Sidsel Wahlin, “həyatda bir dəfə” tapılan tapıntının “tarixlə güclü əlaqəyə işarə etdiyini” söylədi.
Bu cür tikililər Avropada günəşə sitayiş edən və əkinçilik rituallarını yerinə yetirən qədim icmalar üçün ritual mərkəz kimi xidmət edirdi. Bunlar əsasən çöldə halqavari skamyadan və içəridə dairəvi quruluşdan ibarətdir.
Nəhəng daş plitələrdən və ya ağacdan hazırlanmış konstruksiyalar İngiltərədə, İrlandiyada, kontinental Avropanın bir çox yerlərində və hətta Rusiyada aşkar edilmişdir.
Orxan
