Bir qrup iqlim fəalı BNP Paribas bankının Parisdəki baş ofisinin foyesinə daxil olaraq bankın enerji şirkəti TotalEnergies ilə əlaqələrinə etiraz edib.
Gununsesi.info xarici mediaya istinadən xəbər verir ki, iqlimlə mübarizə qrupu Extinction Rebellion bankın enerji şirkəti TotalEnergies ilə əlaqələrinə etiraz etmək üçün, BNP Paribas bankının Fransanın paytaxtı Parisdəki baş qərargahının lobbisini qısa müddətə zəbt etdi.
Etiraz zamanı şirkətin səhmdarlarının illik yığıncağı keçirilirdi.
Bəzi fəalların ağ maska geyindiyi görünsə də, polis etirazçıları zorla binadan uzaqlaşdırıb. Etirazçılar polisin müdaxiləsindən əvvəl şüarlar səsləndirib və ətrafa saxta pul səpiblər. Aksiya ilə bağlı verdiyi açıqlamada Extinction Rebellion, bu hərəkətin TotalEnergies və tərəfdaşlarına qarşı kampaniyanın bir hissəsi olduğunu söylədi.
Extinction Rebellion qeyd etdi ki, bir çox vətəndaş cəmiyyəti təşkilatı TotalEnergies-i iqlim strategiyası ilə bağlı “İqlim haqqında danışıq” suallarını səhmdarların yığıncağında səsverməyə qoymadığına görə qınadı. Bəyanatda bu addım “qalıq yanacaq sənayesinin insanlara və ətraf mühitə olan öhdəliklərini həyasızcasına geri çəkməsinin” bir hissəsi kimi təsvir edilib.
Şirkət daha əvvəl elan etmişdi ki, davamlılıq strategiyası üzrə irəliləyiş hesabatı səhmdarlar tərəfindən səsə qoyulmayacaq və yalnız strategiya dəyişikliyi zamanı səhmdarlarla məsləhətləşmələr aparılacaq. Şirkət bunun əvəzinə səhmdarların yığıncağı zamanı iqlim müzakirəsi keçirəcəyini söylədi.
Orxan
