“ABŞ prezidenti Co Bayden beş gündən artıqdır ki, gizlənir və vəzifəsini yerinə yetirmir”.
Gununsesi.info xəbər verir ki, bunu Fox News-un aparıcısı Şon Hanniti öz proqramında deyib.
Onun sözlərinə görə, Amerika lideri debatdan əvvəl məşq edir: “Göründüyü kimi, bu ölkənin prezidenti 90 dəqiqəlik debata hazırlaşarkən normal vəzifələrini yerinə yetirə bilmir. Ən azı 16 nəfər Baydenə kömək edir. Həftəlik intensiv məşqdə Baydenin düz yarım saat dayanmağı öyrəndiyi məşqlər daxildir”.
Aparıcının vurğuladığı kimi, bir çox amerikalı Baydenin stimullaşdırıcı dərmanlar qəbul etdiyinə inanır.
O, Ağ Evin keçmiş rəhbəri Donald Trampın prezidenti narkotik testindən keçməyə çağırdığını da xatırladıb.
Bundan əvvəl Pulitzer mükafatı laureatı Seymur Herş demişdi ki, Baydenin Trampla qarşıdakı teledebatda uğursuzluğu Demokratlar Partiyasını yeni namizəd seçməyə sövq edə bilər.
Onun fikrincə, əvəzedici kimi Kaliforniya qubernatoru Gavin Newsom və ya İllinoys qubernatoru Cey Robert Pritzker irəli sürüləcək.
Jurnalist qeyd edib ki, bəziləri hesab edir ki, iyunun 27-də mümkün uğursuzluğa baxmayaraq, Baydenə ikinci şans verilə bilər.
O, əlavə edir ki, belə olan halda, Amerika liderinin taleyi sentyabrın 10-da debatların ikinci raundunda həll olunacaq.
Şəbnəm
Gununsesi.info
