ဆိုင်းမင်း/People’s Spring
မန္တလေးမြို့ ၊ ချမ်းမြသာစည်မြို့နယ် မှာ တည်ရှိတဲ့ တရုတ်ကောင်စစ်ဝန်ချုပ်ရုံး အနီး မနေ့ အောက်တိုဘာလ ၁၈ ရက် ညနေပိုင်းက ပစ်ခတ်သံတွေ ကြားခဲ့ရတယ်လို့ မြို့ခံတွေဆီကသိရပါတယ်။
မနေ့ညနေပိုင်း ၅ နာရီခန့်က မင်္ဂလာမန္တလေးအိမ်ရာမှာရှိတဲ့ တရုတ်နိုင်ငံကောင်စစ်ဝန်ချုပ်ရုံး အနီးကနေ ပစ်ခတ်သံတွေ ကြားရတာလို့ မြို့ခံက ပြောပါတယ်။
Public Service Announcement
“အသံက တော်တော်ကိုကျယ်တာ” လို့ ကောင်စစ်ဝန်ချုပ်ရုံး အနီးနေထိုင်သူ မြို့ခံက ပြောပါတယ်။
တရုတ်နိုင်ငံ ကောင်စစ်ဝန်ချုပ်ရုံးက ချမ်းမြသာစည်မြို့နယ်၊ ၇၃ လမ်း၊ သိပ္ပံလမ်းနဲ့ ငုရွှေဝါလမ်းအကြားမှာတည်ရှိတာဖြစ်ပါတယ်။
အနီးမှာ အားကာသိပ္ပံ၊ စိုက်ပျိုးရေးရုံးနဲ့ မြေစာရင်းရုံးတို့ရှိပြီး စစ်ကောင်စီကလုံခြုံရေးတင်းကြပ်ထားတဲ့နေရာလည်းဖြစ်ပါတယ်။
မြို့ခံတွေရဲ့ ပြောပြချက်အရ တရုတ်ကောင်စစ်ဝန်ချုပ်ရုံးတည်နေရာမှာ လုံခြုံရေးအချိန်ပြည့်ချထားပြီး ဖြတ်သန်းသွာလာခွင့်တင်းကြပ်ထားတဲ့နေရာဖြစ်တယ်လို့သိရပါတယ်။
ပစ်ခတ်မှု ဖြစ်ပွားမှု အခြေအနေအသေးစိတ်ကိုတော့ စုံစမ်းနေဆဲဖြစ်ပါတယ်။
