Lüksemburqda avtobus şirkəti Flibco dörd günlük iş həftəsi ilə işçilərinin gəlirini və məhsuldarlığını artırıb.
Gununsesi.info xəbər verir ki, bu barədə “Bild” yazır.
Bildirilib ki, işçilər həftədə 4 dəfə işə gəliblər və nisbətən sıx qrafiklə işləyiblər və onların maaşına toxunulmayıb.
Şirkət rəhbərinin sözlərinə görə, əmək məhsuldarlığı 69 faiz artıb.
İş saatlarının azaldılması ideyası CEO Tobias Stüberdən gəldi. O, qeyd edib ki, bu, 2023-cü ildə başlanmış pilot layihədir və işçilərin maaşları eyni qalıb.
Şirkət rəhbəri hesab edir ki, hər bir işçi mütəxəssisdir və ona nə vaxt və nə edəcəyini söyləmək olmaz.
Həmçinin qeyd edilir ki, yeni yanaşma xəstə günlərinin sayının azalmasına səbəb olub.
Bild yazır ki, xoşbəxt işçilərin indi şəxsi həyatlarına daha çox vaxtları var.
Qeyd edək ki, bu tendensiya Avropanın digər ölkələrində də eksperiment mərhələsindədir.
Şəbnəm
Gununsesi.info
