Yaponiyanın sabiq müdafiə naziri Şiqeru İşiba hakim Liberal Demokrat Partiyasının (LDP) sədrliyinə qarşıdan gələn seçkilərdə namizəd kimi iştirak edəcəyini açıqlayıb.
Gununsesi.info xəbər verir ki, o, bu barədə doğulduğu Yazu şəhərində xalqa çıxışı zamanı bildirib və o qalib gələcəyi təqdirdə ölkənin növbəti baş nazir olacaq.
“Mən Liberal Demokrat Partiyasının sədri seçilmək üçün namizədliyimi irəli sürürəm. 38 illik siyasi karyeramın kulminasiya nöqtəsi olaraq, köklərimə qayıtmaq və bütün qəlbimlə və canımla dəstəyinizi axtarmaq üçün bundan son döyüşüm kimi istifadə edəcəyəm”, – deyə o bildirib.
Qeyd edək ki, İşiba 2007-2008-ci illərdə müdafiə naziri olub, 2008-2009-cu illərdə isə kənd təsərrüfatı nazirliyinə rəhbərlik edib. O həmçinin 2012-2014-cü illərdə LDP-nin baş katibi vəzifəsində çalışıb. İşiba məşhur siyasətçi hesab olunur. Nikkei qəzetinin son sorğusuna görə, o, yaponların növbəti hökumət başçısı olmağa ən uyğun hesab etdikləri reytinqdə ikinci yeri tutub. Ondan irəlidə yalnız keçmiş baş nazir Juniçiro Koizuminin oğlu olan keçmiş ətraf mühit naziri Şinjiro Koizumi dayanıb.
LDP-nin növbəti baş nazir olacaq sədrliyi uğrunda seçkilər sentyabrın 27-də keçiriləcək.
Gununsesi.info
