62 yaşlı Marites Buenafe Alyaskada liman dayanacağı zamanı tək başına gəzinti zamanı itkin düşüb.
Gununsesi.info xarici mediaya istinadən xəbər verir ki, İngiltərədə həkim işləyən Buenafe ailəsi ilə birlikdə Norwegian Bliss adlı lüks kruiz gəmisində tətildə olub.
İyulun 1-i səhər gəmi limanda olarkən dağa kanat vaqonuna mindikdən sonra ailəsinə gəzintiyə çıxmağı planlaşdırdığını deyib.
O, sonuncu dəfə səhər saat 7:30 radələrində Mount Roberts Kabel Vaqonunun yuxarı stansiyasında təhlükəsizlik kameralarında görünüb, lakin gəminin yola düşməsi ilə saat 13:30-da geri qayıtmayıb. Günortadan sonra onun itkin düşdüyü bildirilir.
Vəziyyəti görən ailəsi səlahiyyətlilərə xəbər verib və çoxsaylı qrupların cəlb olunduğu axtarış-xilasetmə əməliyyatına başlanılıb.
Əməliyyata Alyaska ştatının əsgərləri, həmçinin Juneau Dağ Xilasetmə Xidməti, Juneau Polis Departamenti, ABŞ Sahil Mühafizəsi və SEADOGS adlı axtarış itləri dəstək verir.
Komandalar həm piyada patrul, həm də pilotsuz təyyarə və helikopter dəstəyi ilə ərazidə axtarış aparır. Lakin pis hava şəraiti havadan axtarış işlərini çətinləşdirir.
Səlahiyyətlilər Buenafenin sağ olduğuna ümid bəslədiklərini deyirlər.
Yaşlı qadının yoxa çıxdığı ərazi şəhərin mərkəzinə yaxın olsa da, sıldırım, sıx meşəlik və dağlıqdır ki, bu da təhlükəli ola bilər.
Bu səbəbdən səlahiyyətlilər təkbaşına gəzməmək, rabitə vasitələrini daşımaq və kiməsə ətraflı plan buraxmaq barədə xəbərdarlıq edib.
Orxan
