Bir gün “Coca-Cola” yük maşınının kəndə gəlməsi ilə onların həyatı dəyişdi. İndi burada sudan çox “cola” var, baqqal da deyir ki, “cola” satmasam, müştəri gəlməyəcək”.
Gununsesi.info bu barədə xarici KİV-ə istinadən xəbər.
186.000 əhalisi olan dağlıq San Cristobal de las Casasda şəhərində insanlar ildə adambaşına orta hesabla 800 litr qazlı içki istehlak edir. Bu, Meksikada ölkə üzrə orta göstəricidən beş dəfə çoxdur. Qeyri-adi istehlak piylənmə və 2-ci tip diabetin əhəmiyyətli dərəcədə artmasına səbəb olub. Hər il bölgədə 3000 nəfər şəkərli diabetlə əlaqəli səbəblərdən ölür və bu xəstəlik ürək xəstəliyindən sonra ikinci ölüm səbəbidir.
San-Kristobaldan bir saatlıq məsafədə yerləşən yerli əhalinin San Andres Larrainzar kəndində “Coca-Cola” sadəcə içki deyil, “maye qızıl” sayılır. Yerli şamanlar bu içkidən dini mərasimlərdə istifadə edirlər. Maria Lopez adlı bir şaman deyir ki, o, xəstələrə şəfa vermək üçün kola şüşələri üzərində dua edir və diabetini “ailə mübahisələri” ilə əlaqələndirir:
“51 yaşım var və heç vaxt xəstələnməmişəm. Həmişə qazlı su, spirt və qızardılmış yeməklər qəbul etmişəm”.
Yerli əhalinin bu içkiyə üz tutmasının arxasında ciddi infrastruktur problemi dayanır. Bölgənin bir çox məhəllələrində kran suyu həftədə yalnız bir neçə dəfə axır. Bunun əksinə olaraq, “Coca-Cola” nın yerli fabriki hər gün 1,3 milyon litrdən çox yeraltı suyu çıxarmaq hüququna malikdir.
Femsa adlı şirkət tərəfindən idarə olunan fabrik “Coca-Cola” nın Latın Amerikasındakı geniş istehsal şəbəkəsinin bir hissəsidir. Şirkət onun sudan istifadəsinin ictimai resurslara zərər vermədiyini iddia etsə də, ekspertlər vəziyyətin ciddiliyini qeyd edirlər.
“Minlərlə insanın belə təmiz suya sahib bir fabrikin yanında quraqlıq içində yaşaması qəbuledilməzdir” , – deyə Doktor Marcos Arana bildirir.
“Coca-Cola” nın Meksikada yüksəlişi keçmiş distribütor işçisi Visente Foksun 2000-ci ildə ölkə prezidenti olduqdan sonra daha da sürətləndi. Foksun dövründə qüvvəyə minən NAFTA müqaviləsi qazlı içkini daha da ucuzlaşdırdı və daha geniş yayıldı.
Maria adlı sakin kiçik bir ərzaq mağazası işlədir və deyir ki, “Coca-Cola satmasam, heç bir müştəri bura gəlməz”.
Günel Həsənova
