close
Connect with us

Hi, what are you looking for?

နိုင်ငံတကာ

အီရတ် ဖက်ဒရယ် ပိုင်နက်ထဲက အမေရိကန် တပ်အားလုံး ရုပ်သိမ်း

အီရတ်အစိုးရရဲ့ ဖက်ဒရယ် အုပ်ချုပ်မှု ပိုင်နက်ထဲမှာ တပ်စွဲထားသမျှ အမေရိကန် တပ်တွေအားလုံး ရုပ်သိမ်းသွားပြီလို့ အီရတ် အစိုးရက ကြေညာခဲ့ပါတယ်။

အီရတ်အစိုးရရဲ့ ဖက်ဒရယ် အုပ်ချုပ်မှု ပိုင်နက်ထဲမှာ တပ်စွဲထားသမျှ အမေရိကန် တပ်တွေအားလုံး ရုပ်သိမ်းသွားပြီလို့ အီရတ် အစိုးရက ကြေညာခဲ့ပါတယ်။

ဇန်နဝါရီ ၁၈ ရက်နေ့က အမေရိကန် စစ်ဘက် အကြံပေး အရာရှိတွေ ပါဝင်နဲ့ နောက်ဆုံးအသုတ်ဟာ အီရတ်နိုင်ငံ အနောက်ပိုင်း၊ အန်ဘာ ပြည်နယ်ထဲမှာရှိတဲ့ အယ်လ်အာဆတ် လေတပ်စခန်းကနေ ပြန်လည် ထွက်ခွာသွားကြောင်း အီရတ်က ထုတ်ပြန်ပါတယ်။

အီရတ် ကာကွယ်ရေး ဝန်ကြီးဌာနရဲ့ အဆိုအရ အခုအခါ အီရတ်ရဲ့ ဖက်ဒရယ် အစိုးရ အုပ်ချုပ်မှု နယ်မြေအားလုံးမှာ အမေရိကန်တပ်တွေ ဆက်ပြီး ဖြန့်ကျက်ထားမှု မရှိတော့ဘူးလို့ သိရပါတယ်။

ဒါပေမဲ့ အီရတ်ပိုင်နက်ထဲမှာ ပါဝင်ပေမယ့် ကိုယ်ပိုင်အုပ်ချုပ်ခွင့်နဲ့ ရပ်တည်နေတဲ့ ကာဒစ်စတန် ပြည်နယ်မှာတော့ အမေရိကန်တပ်တွေ ဆက်ပြီး ဖြန့်ကျက်ထားဆဲ ဖြစ်ပါတယ်။

Public Service Announcement

Public Service Announcement

ပြည်တွင်းမှာ ရှိနေတဲ့ အမေရိကန်တပ်တွေ ရုပ်သိမ်းရေးကို အီရတ်အစိုးရက ၂၀၂၃ ခုနှစ်မှာ တောင်းဆိုခဲ့တဲ့နောက် အမေရိကန်က တပ်အင်အားကို တစ်သုတ်ချင်းစီ လျှော့ချခဲ့ပါတယ်။ အိုင်အက်စ် အကြမ်းဖက် အဖွဲ့ကို ဖြိုခွင်းဖို့ အထူးစစ်ဆင်ရေး တာဝန်အတွက် အီရတ်မှာ လာရောက် အခြေစိုက်ထားတဲ့ အမေရိကန် စစ်ရေးကွပ်ကဲမှု ဌာနချုပ်ကလည်း စခန်းနေရာနဲ့ ပစ္စည်းကိရိယာတွေကို အီရတ် လုံခြုံရေး တပ်ဖွဲ့ဝင်တွေဆီ လွှဲပြောင်းပေးခဲ့ပြီး ပြန်လည် ထွက်ခွာသွားကြောင်း အီရတ် ကာကွယ်ရေး ဝန်ကြီးဌာနက ဆိုပါတယ်။

အီရတ်ပိုင်နက်ဖြစ်ပြီး ကိုယ်ပိုင်အုပ်ချုပ်ခွင့်နဲ့ ရပ်တည်နေတဲ့ ကာဒစ်စတန်မှာရှိတဲ့ ဟာရာ လေတပ်စခန်းမှာတော့ အမေရိကန်တပ်တွေ ဆက်ပြီး တပ်စွဲထားဆဲလို့လည်း ဝန်ကြီးဌာနက အတည်ပြုပါတယ်။ နိုင်ငံမြောက်ပိုင်းမှာ ရှိနေတဲ့ ဒေသဟာ ကာ့ဒ်မျိုးနွယ်စုတွေ အဓိက နေထိုင်ပြီး ကိုယ်ပိုင်အစိုးရ၊ လွှတ်တော်နဲ့ လုံခြုံရေး တပ်ဖွဲ့ဝင်တွေကို ပိုင်ဆိုင်ထားပြီး အီရတ်ရဲ့ ဖွဲ့စည်းပုံ အခြေခံ ဥပဒေကလည်း ဒေသခံ ကာ့ဒ်အစိုးရရဲ့ ကိုယ်ပိုင်အုပ်ချုပ်ခွင့်ကို အသိအမှတ် ပြုပေးထားပါတယ်။

၂၀၀၃ ခုနှစ်က အီရတ်ကို ကျူးကျော်တိုက်ခိုက်ခဲ့တဲ့ စစ်ပွဲကစလို့ အီရတ်ပိုင်နက်ထဲမှာ အမေရိကန်တပ်တွေဟာ နှစ်အလိုက် မတူညီတဲ့ အရေအတွက်တွေနဲ့ ဖြန့်ကျက်ထားခဲ့တာ ဖြစ်ပါတယ်။ စံချိန်တင် အများဆုံးဖြစ်ခဲ့တဲ့ ကာလမှာတော့ အမေရိကန်စစ်သည် ၁၇၀၀၀၀ လောက် အီရတ်မှာ ရှိနေခဲ့ဖူးပါတယ်။

အမေရိကန်မှာ သမ္မတ ဘာရတ်အိုဘားမားလက်ထက် ၂၀၁၁ မှာတော့ အီရတ်မှာ ရှိနေတဲ့ အမေရိကန်တပ်တွေ ရုပ်သိမ်းစေဖို့ အမိန့်ပေးခဲ့ပါတယ်။ ၂၀၁၄ မှာ အီရတ်ကိုယ်တိုင်က အိုင်အက်စ် နှိမ်နင်းရေး မစ်ရှင်တွေအတွက် အကူအညီ တောင်းခံခဲ့တာကြောင့် အမေရိကန်ဟာ တပ်အင်အား ၅၀၀၀ လောက်ကို ဖြည့်တင်းပေးပို့ခဲ့တာ ဖြစ်ပါတယ်။

၂၀၂၁ နှစ်ကုန်ပိုင်းမှာတော့ အမေရိကန်ဟာ အီရတ်မှာ စစ်ဆင်ရေး လုပ်ငန်းစဉ်အားလုံး ပြီးဆုံးပြီလို့ ကြေညာခဲ့ပေမယ့် စစ်ရေးအကြံပေးနဲ့ တခြားအကူအညီတွေအတွက် အမှုထမ်း ၂၅၀၀ ဝန်းကျင်ကို ဆက်လက် ဖြန့်ကျက်ထားခဲ့တာ ဖြစ်ပါတယ်။

အမေရိကန်နဲ့ အီရတ်ရဲ့ အိမ်နီးချင်းနိုင်ငံ အီရန်တို့ကြား စစ်ရေးတင်းမာမှုတွေ မြင့်တက်နေချိန်မှာ အီရတ်ရောက် အမေရိကန်တပ်တွေ အားလုံးကို ရုပ်သိမ်းသွားတာလည်း ဖြစ်ပါတယ်။ အီရတ်ဟာ အမေရိကန်ရော၊ အီရန်နဲ့ပါ မဟာမိတ် ဆက်ဆံရေးမျိုး ထူထောင်ထားပြီး အဲဒီနှစ်နိုင်ငံကြားက ပဋိပက္ခတွေမှာ အရင်ကလည်း ဘေးကျပ်နံကျပ် ကိစ္စတွေ ကြုံခဲ့ဖူးပါတယ်။

ကိုးကား: CNN
ဓာတ်ပုံ – AP

ဆက်စပ်သတင်းများ

နိုင်ငံတကာ

အမေရိကန် သမ္မတ ဒေါ်နယ်လ်ထရမ့်ရဲ့ နိုင်ငံခြားရေး မူဝါဒဟာ အနောက်ကမ္ဘာခြမ်းကို ကြီးစိုးဖို့ဖြစ်ကြောင်း ပိုပြီး သိသာ ထင်ရှားလာပါတယ်။ အဲဒီ အခြေအနေက ကမ္ဘာ့အရှေ့ခြမ်းနဲ့ အာရှရဲ့ နိုင်ငံတကာရေးရာ အခင်းအကျင်းတွေအပေါ် သက်ရောက် ပြောင်းလဲမှုတွေ ရှိလာစေပါလိမ့်မယ်။

နိုင်ငံတကာ

အမေရိကန်မှာ ဂိမ်းစက် သိမ်းသွားတဲ့ ဖခင်ကို အသက် ၁၁ နှစ်အရွယ် သားဖြစ်သူက သေနတ်နဲ့ ပစ်သတ်လိုက်ကြောင်း သိရပါတယ်။

နိုင်ငံတကာ

ဗင်နီဇွဲလား သမ္မတ နစ်ကိုလက်စ် မာဒူရိုကို ဝင်ဖမ်းခဲ့တဲ့ စစ်ဆင်ရေးအတွင်း သေဆုံးခဲ့တဲ့ ကျူးဘား စစ်သား ၃၂ ဦးရဲ့ ရုပ်အလောင်းတွေ ဇာတိနိုင်ငံဆီ ပြန်လည် ရောက်ရှိလာခဲ့ကြောင်း သိရပါတယ်။

နိုင်ငံတကာ

အီရန်ကို တိုက်ခိုက်တော့မယ်လို့ ကောလာဟလတွေပျံ့နှံ့နေချိန်မှာပဲအမေရိကန်ဟာအရှေ့အ လယ်ပိုင်း ဒေသတွင်းမှာရှိတဲ့စစ်စခန်းတွေက တပ် ဖွဲ့ဝင် တချို့ကို ရုပ်သိမ်းပြီး ရွှေ့ပြောင်းနေစေခဲ့ပါတယ်။