ထိုင်းစစ်တပ်ဟာ နယ်စပ်မှာ အရပ်သား ဧရိယာတွေထဲ ကျူးကျော် ဝင်ရောက် တပ်စွဲနေပြီး နှစ်ဖက် အပစ်ရပ် သဘောတူညီမှုကို အကဲစမ်းနေကြောင်း ကမ္ဘောဒီးယားက စွပ်စွဲခဲ့ပါတယ်။
အရှေ့တောင်အာရှ ဒေသတွင်း အိမ်နီးချင်း နှစ်နိုင်ငံဟာ နယ်စပ် တင်းမာမှုတွေကို အကြောင်းပြုပြီး မနှစ်တုန်းက နှစ်ကြိမ် စစ်ဖြစ်ခဲ့ပါတယ်။ ဒုတိယအကြိမ် သီတင်းသုံးပတ်လောက် ကြာခဲ့တဲ့ စစ်ရေး ပဋိပက္ခ အပြီး ဒီဇင်ဘာ ၂၇ ရက်မှာတော့ နှစ်နိုင်ငံ အပစ်ရပ် သဘောတူညီမှုကို လက်မှတ် ရေးထိုးခဲ့ပါတယ်။
အဲဒီနောက်ပိုင်း ကမ္ဘောဒီးယား ပိုင်နက်ထဲက လူနေဧရိယာ တချို့မှာ ထိုင်းစစ်သားတွေ ဆက်ပြီး တပ်စွဲထားတာကြောင့် စစ်ရှောင် ဒေသခံတွေ နေရပ်ပြန်လို့ မရဘဲ ဖြစ်နေတယ်လို့ ကမ္ဘောဒီးယား နိုင်ငံခြားရေး ဝန်ကြီး ပရက်ခ် ဆွတ်ခွန်းက စွပ်စွဲ ပြောကြားခဲ့ပါတယ်။
ဖနွမ်ပင်မြို့တော်မှာ ဇန်နဝါရီ ၁၃ ရက်နေ့က Reuters သတင်းဌာနရဲ့ အင်တာဗျူးကို လက်ခံ ဖြေကြားခဲ့ရာမှာ ဆွန်ခွန်းက ထိုင်းတပ်တွေဟာ ကမ္ဘောဒီးယား ပိုင်နက်ထဲက အရပ်သား ဧရိယာတွေမှာ ဆက်ပြီး နေရာယူထားကြောင်း၊ နယ်စပ်တလျှောက် အနည်းဆုံး ၄ နေရာလောက်မှာ ထိုင်းက ကျူးကျော်ထားကြောင်း မှတ်ချက် ပေးသွားပါတယ်။
Public Service Announcement
လက်ရှိမှာ နှစ်ဖက် နယ်စပ်အခြေအနေက တည်ငြိမ်နေသယောင် ရှိပေမယ့် အန္တရာယ်တချို့လည်း ကျန်နေကြောင်း၊ ထိုင်းအနေနဲ့ အပစ်ရပ် သဘောတူညီမှုပါ ကတိကဝတ်တွေကို အပြည့်အဝ လေးစားလိုက်နာစေလိုကြောင်း သူက ဆိုပါတယ်။
ဒါပေမဲ့ ထိုင်းစစ်တပ်နဲ့ အစိုးရ အရာရှိတွေကတော့ ကမ္ဘောဒီးယားဖက်က အဲဒီ စွပ်စွဲမှုတွေဟာ အခြေအမြစ် မရှိဘူးလို့ တုံ့ပြန်ထားပါတယ်။ လက်ရှိ ထိုင်းစစ်သားတွေ ဖြန့်ကျက် နေရာယူထားတာဟာ ပဋိပက္ခတွေကို လျော့ကျစေဖို့ ရည်ရွယ်ထားတဲ့ အပစ်ရပ် သဘောတူညီမှုရဲ့ သတ်မှတ်ချက်တွေအတိုင်း အတိအကျဖြစ်ပြီး နယ်မြေကျူးကျော် သိမ်းယူတာမျိုး မဟုတ်ဘူးလို့ ထိုင်းနိုင်ငံခြားရေး ဝန်ကြီးဌာနက ကြေညာခဲ့ပါတယ်။
ဒီဇင်ဘာလတုန်းက ရက် ၂၀ ကြာ ဖြစ်ပွားခဲ့တဲ့ တိုက်ပွဲတွေအတွင်း ထိုင်းက တိုက်လေယာဉ်တွေနဲ့ ဗုံးကြဲခဲ့သလို ကမ္ဘောဒီးယားကလည်း လက်နက်ကြီးတွေနဲ့ အပြင်းအထန် ပစ်ခတ်ခဲ့ပါတယ်။ အဲဒီ စစ်ရေးပဋိပက္ခအတွင်း နှစ်နိုင်ငံ စုစုပေါင်း လူ ၁၀၁ ဦးထက်မနည်း သေဆုံးခဲ့ပြီး လူ ၅ သိန်းလောက် နေရပ်စွန့်ခွာခဲ့ရကြောင်းလည်း သိရပါတယ်။
ကိုးကား: Reuters
ဓာတ်ပုံ – Reuters
𝗣𝗲𝗼𝗽𝗹𝗲’𝘀 𝗦𝗽𝗿𝗶𝗻𝗴
https://www.facebook.com/LuduNwayOo/subscribe/
𝗬𝗼𝘂𝗧𝘂𝗯𝗲 – https://www.youtube.com/@peoplespring
𝗙𝗮𝗰𝗲𝗯𝗼𝗼𝗸 – https://www.facebook.com/LuduNwayOo/
𝗪𝗲𝗯𝘀𝗶𝘁𝗲 – /
𝗧𝗲𝗹𝗲𝗴𝗿𝗮𝗺 – https://t.me/peoplespring
ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews
ထိုင်း #ကမ္ဘောဒီးယား
