ရန်ကုန်မြို့ကို သက်ရောက်စေတဲ့ငလျင်လှုပ်မှု ခပ်စိပ်စိပ်ဖြစ်​လာ

ဇန်နဝါရီ-၂၀၊၂၀၂၆။ရွှေပြည်စိုး/People’s Spring

နေပြည်တော်နဲ ရန်ကုန်မြို့မှာ ယမန်​​နေ့ညကငလျင် ၂ကြိမ်လှုပ်ခတ်ပြီးတဲ့နောက် ဒီနေ့မနက်အ​စောပိုင်းမှာလည်း ရန်ကုန်မြို့နဲ့ မိုင် ​လေးဆယ်​ကျော်​ပဲ​ဝေးတဲ့ ညောင်တုန်းမြို့ကိုဗဟိုပြုပြီး ရစ်ခ်တာစကေး ၄ဒဿမ၅အဆင့်ငလျင် လှုပ်ခတ်ခဲ့တာမှာရန်ကုန်ကသိသိသာသာခံစားရပါတယ်။

ဇန်နဝါရီလ ၂၀ ရက် မနက် ‌‌၁နာရီ ၂၆မိနစ်မှာဧရာဝတီတိုင်း၊ ညောင်တုန်းမြို့အနီး၊ မြေ
အောက်အနက် ၁၀ ကီလိုမီတာ(၆မ်ိုင်ခန့်)ကိုဗဟိုပြုပြီး လှုပ်ရှားသွားတာလို့ အမျိုးသားညီညွတ်ရေးအစိုးရ(NUG)၊ လူမှုရေးရာ၊ လုပ်သားနှင့် လူသားချင်းစာနာထောက်ထောက်ထားရေးဝန်ကြီးဌာန(MoSLHA)ကသတင်းထုတ်ပြန်ထားပါတယ်။

ဧရာဝတီတိုင်း၊ ညောင်တုန်းမြို့ဟာ ရန်ကုန်တိုင်းနဲ့ဆက်စပ်နေပြီး ရန်ကုန်မြို့က မြို့နယ်အများစုမှာလည်း ငလျင်လှုပ်ရှားမှုသိသိသာသာခံစားခဲ့ရပါတယ်။

Public Service Announcement

“ မနက် ၁နာရီကျော်က လှုပ်တာက ညကလှုပ်တာထက်တောင် ပြင်းတယ်။တော်တော် ခါသွားတယ်”
လို့မှော်ဘီမြို့မှာနေထိုင်သူတစ်ဦးကပြောပါတယ်။

ပြည်သူတဦးကလည်း” ကုတင်ကို ဆွဲခါနေလို့ထပြေးရ အိပ်ပျော်နေတာ လန့်နိုး” လို့ ငလျင်လှုပ်တဲ့အ​ပေါ်မှတ်ချက်ပြုပါတယ် ။

ဇန်နဝါရီလည ၁၀နာရီကျော်ကလည်း ရန်ကုန်
တိုင်း၊ တိုက်ကြီးမြို့နယ်ကိုဗဟိုပြုပြီး ရစ်ခ်တာစကေး ၄ဒဿမ၅ အဆင့်ငလျင် လှုပ်ရှားခဲ့လို့ ရန်ကုန်မြို့ကအထပ်မြင့်အဆောက်အအုံတွေ ငလျင်ကို ခံစားခဲ့ရပါတယ်။ ငလျင်သိသိသာသာလှုပ်ရှားခဲ့တာ​ကြောင့် ရန်ကုန်မြို့ အထပ်မြင့်တိုက်ကပြည်သူ​အချို့ တိုက်​ပေါ်ကဆင်း​ပြေးခဲ့ကြပါတယ် ။

“ ရှစ်လွှာမှာ နေတာမို့လား မသိ ငလျင်လှုပ်တာ သေချာသိလိုက်တယ်။ တိုက်တစ်ခုလုံးကို လှုပ်ရမ်းသွားသလိုပဲ ဘုရားစင်က မီးဆို ရမ်းပြီးတော့ကို လှုပ်သွားတာပါ။ လှုပ်တာတော့ တချက်ထဲပါပဲ” လို့ စမ်းချောင်းမြို့နယ်နေ ပြည်သူတစ်ဦးက ဇန်နဝါရီ ၁၉ ညကလှုပ်ခဲ့တဲ့ငလျင်လှုပ်ခဲ့ပုံကိုပြောပါတယ်။

ဒါ့အပြင် နေပြည်​​တော်ဇမ္ဗူသီရိမြို့အနီးမှာ အင်
အား ရစ်ခ်တာစကေး ၃ အဆင့်ရှိ ငလျင်တစ်ခု မနေ့က ညက လှုပ်ရှားခဲ့ပါတယ်။နေပြည်တော်၊ တိုက်ကြီးနဲ့ ညောင်တုန်းမြို့မှာ လှုပ်ခဲ့တဲ့ငလျင်သုံးကြိမ်စလုံး မြေအောက်အနက် ၁၀ ကီလိုမီတာ(၆မ်ိုင်ခန့်)ကိုဗဟိုပြုတဲ့ ဇောက်တိမ်ငလျင်တွေ ဖြစ်ပါတယ်။​ဇောက်တိမ်ငလျင်​တွေက ​မြေပြင်နဲ့ပ်ုနီးကပ်တာ​ကြောင့် ​မြေ​အောက်အနက်မှာလှုပ်တဲ့ ​ဇောက်နက်ငလျင်​တွေထက် ဖျက်အားပိုပြင်းပါတယ်၊

ရန်ကုန်နဲ့ ဧရာဝတီတိုင်းဆက်စပ်မြို့နယ်တချို့မှာ ၂၀၂၅ မတ်လအစောပိုင်းက ရစ်ခ်တာစကေး ၄နဲ့ ၅ပတ်ဝန်းကျင် ငလျင်တွေ မကြာခဏလှုပ်ခဲ့ဖူးပါတယ်။၂၀၂၅ မတ်လ ၅ရက်က ညောင်တုန်းမြို့အနီးကို ဗဟိုပြုပြီး ရစ်ခ်စတာစကေး စကေး ၅ ဒသမ ၁ အဆင့်ငလျင်လှုပ်ခဲ့ပါတယ်။ ညောင်တုန်းမြို့အနီးက မအူပင်မြို့မှာ အဆောက်အဉီတချို့ ပျက်စီးခဲ့ပါတယ်။

ရန်ကုန်နဲ့ဧရာဝတီတိုင်းဟာဒေးဒရဲပြတ်ရွှေ့ကြောင့်လည်း ငလျင်လှုပ်ရှားနိုင်သလို ရန်ကုန်မြစ်ဝအနီးရှိ ပြတ်ရွေ့တွေကြောင့်လည်း ငလျင်လှုပ်နိုင်တယ်
လို့ ဘူမိပညာရှင်​တွေက​ပြောထားပါတယ်။ပဲခူးမြို့အနီးက စစ်ကိုင်းပြတ်ရွေ့ရဲ့တောင်ဘက်စွန်းပိုင်းလှုပ်ရှားပါကလည်း ရန်ကုန်မြို့မှာ ငလျင် လှုပ်စေပါတယ်။

စစ်ကိုင်းပြတ်ရွေ့ တောင်ဘက်အပိုင်းဟာ ပဲခူးငလျင်အဖြစ် ၁၉၃၀ ခုနှစ်ကအင်အားပြင်း လှုပ်ခတ်ခဲ့ဖူးပါတယ်။ယင်းငလျင်ကြောင့် ရန်ကုန်မြို့မှာ အဆောက်အအုံအချို့ ပြိုကျပျက်စီးခဲ့ပြီး လူ ၅၀ ဦးထက်မနည်းသေဆုံးခဲ့ပါတယ်။ စစ်ကိုင်းပြတ်ရွေ့က ၂၀၂၅ မတ်လ ၂၈ရက်မှာ မန္တလေးနဲ့စစ်ကိုင်းမြို့ကိုဗဟိုပြုပြီးရစ်ခ်တာစကေး၇ဒဿ
မ၇နဲ့ လှုပ်ပြီးနောက်ပိုင်း နောက်ဆက်တွင်းငလျင်တွေ အကြိမ်ရာချီလှုပ်ရှားနေပါတယ်။