ဇူလိုင် – ၃ ၊၂၀၂၅ ၊ ဆိုင်းမင်း/People’s Spring
မန္တလေးမြို့ ချမ်းမြသာစည်မြို့နယ်မှာ မြေသယ်ကားတစ်စီးက အသက် ၁၂နှစ်အရွယ် ကလေးကိုဝင်တိုက်မိရာမှာ အခင်းဖြစ်တဲ့နေရာမှာတင်ကလေးသေဆုံးသွားတယ်လို့ သွားရောက်ကူညီခဲ့တဲ့ နန္ဒာမေတ္တာ လူမှုကူညီရေးအသင်းကဖော်ပြပါတယ်။
မြရည်နန္ဒာရပ်ကွက် ၁၁၄လမ်း၊ ၄၉ထောင့်မှာ ဒီနေ့ မနက်ပိုင်း ၈ နာရီဝန်းကျင်မှာ စက်ဘီးစီးလာတဲ့ အသက် ၁၂နှစ်အရွယ် ယောင်္ကျားလေး ကို မြေသယ်ကား က တိုက်သွားတာပါ။
မြေသယ်ကားမောင်းသူက တိုက်ပြီး ထွက်ပြေးသွားတဲ့အတွက် ယာဉ်တိုက်မှုဖြစ်ပွားရာနေရာအနီးက CCTVကနေတဆင့် ရှာဖွေနေတယ်လို့ သိရပါတယ်။
Public Service Announcement
ယာဉ်တိုက်မှုဖြစ်ပွားတဲ့နေရာမှာ အလုပ်မလုပ်တဲ့ မီးပွိုင့်လည်းရှိနေပြီး ယာဉ်အသွားအလာများပြားတဲ့ နေရာလည်းဖြစ်ပါတယ်။
အာဏာသိမ်းပြီးနောက် မန္တလေး မြို့တွင်းမှာ ကျောက်ကား၊ မြေသယ်ကားတွေကို စည်ပင်က မကြပ်မတ်တော့တဲ့အတွက် သတ်မှတ်မိုင်နှုန်းထက် စည်ကမ်းမဲ့ မောင်းနှင်တာတွေရှိနေတယ်လို့ မြို့ခံတွေကပြောပါတယ်။
