ဇွန်-၂၀၊၂၀၂၅။ရဲခေါင်/People’s Spring
အမှတ် ၂၂ ကာကွယ်ရေးပစ္စည်းစက်ရုံ(ကပစ ၂၂) မှ စစ်ကောင်စီ တပ်သားတစ်ဦးကို ဖမ်းမိကြောင်း တောင်သာပြည်သူ့ကာကွယ်ရေးတပ်ဖွဲ့ တာဝန်ရှိသူက လူထုနွေဦးသို့ပြောသည်။
ဇွန်လ ၁၇ ရက်က တောင်သာမြို့နယ်ပြည်သူ့ကာကွယ်ရေးအဖွဲ့ရဲဘော်များသည်လမ်းပိုင်းစစ်ဆေးမှုပြုလုပ်နေစဥ်ဖမ်းမိခဲ့ခြင်းဖြစ်သည်။
ဖမ်းဆီးရမိသူနှင့်အတူ ကိုယ်ပိုင် အမှတ်နှင့် တပ်ကြပ်ကြီးအောင်ဖြိုး အမည်ပါ ကတ်ပြား၊မြန်မာ့စီးပွားရေးဘဏ်စာအုပ်၊ မှတ်ပုံတင်၊ ယာဥ်မောင်းလိုင်စင် နှင့် တမတ်သားရွှေလက်စွပ်တကွင်းတို့ပါ သိမ်းဆည်းရရှိခဲ့ရသည်ဟုဆိုသည်။ ထိုအပြင် စစ်တပ်ထံမှ ဇွန် ၁၇ မှ ဇွန် ၂၆ ရက်အထိ ရှောင်တခင်ခွင့် ခေါင်းစဥ်ဖြင့် ခရီးသွားလာခွင့်အမိန့်စာရွက်ကိုလည်းတွေ့ရသည်။
Public Service Announcement
“အခြေခံအချက်တွေပဲသိရပါသေးတယ်။သူ့ဆီက စစ်ဆေးမှုလုပ်နေတုန်းပဲ”ဟုအထက်ပါတာဝန်ရှိသူကပြောသည်။
ယခင်ကလည်း လမ်းပိုင်းဆိုင်ရာစစ်ဆေးမှုတွင် စစ်ကောင်စီလက်အောက်ခံ တပ်သားနှင့် ရဲအချို့ကို ဖမ်းဆီးရမိမှု ရှိခဲ့ဖူးသည်ဟု၎င်းကပြောသည်။
မကွေးတိုင်း၊ဆိတ်ဖြူမြို့နယ်တွင်ရှိသည့်စစ်ကောင်စီ ကပစ (၂၁ )သည် လေယာဥ်ဗုံးများကို အဓိကထုတ်လုပ်သည်ဟုသိရပြီး ကပစ (၂၂) သည် MA 1၊2၊3နှင့် 4 စသောလက်နက်ငယ်မျးကို အဓိကထုတ်လုပ်သည်။
