မေ ၁၄၊၂၀၂၅။ကဖေး/People’s Spring
ရခိုင်ပြည်နယ်၊ ကျောက်တော်မြို့ကို စစ်ကောင်စီက ယနေ့(မေလ ၁၄ ရက်) ညနေ ၄နာရီခန့်တွင် လေကြောင်းမှ ဗုံးကြဲတိုက်ခိုက်ရာ စစ်ဘေးရှောင်အမျိုးသမီးတစ်ဦး သေဆုံးပြီ လေးဦးထက်မနည်းဒဏ်ရာရရှိထားသည်။
ကျောက်တော်မြို့၊ ရွာမရပ်ကွက်ကို ဂျက်ဖိုက်တာဖြင့် ဗုံးကြဲတိုက်ခိုက်ခြင်းဖြစ်ပြီး ယခင်တိုက်ပွဲများကြောင့်စစ်ဘေးရှောင်နေသည့် အရပ်သားများ ထိခိုက်သေဆုံးခဲ့ခြင်းဟု ရခိုင်သတင်းရင်းမြစ်က ပြောသည်။
စစ်ကောင်စီသည် ရခိုင်ပြည်နယ်အတွင်း ၂ရက်ဆက်ဗုံးကြဲခြင်း ဖြစ်သည်။
Public Service Announcement
ရသေ့တောင်မြို့နယ် ထွန်းရဝေကျေးရွာကို ယမန်နေ့(မေလ၁၃ရက်) နံနက်ပိုင်းက လေကြောင်းမှဗုံးကြဲတိုက်ခိုက်ရာတွင် အရပ်သား ၁၃ဦး သေဆုံးပြီး ၃၀ဦးထက်မနည်း ဒဏ်ရာရရှိခဲ့သည်။
ယနေ့ ကျောက်တော်မြို့ လေကြောင်းတိုက်ခိုက်မှုတွင် ဒဏ်ရာရသူများ၏အခြေအနေမှာ စိုးရိမ်ရသည်ဟု သတင်းရရှိသည်။
ကျောက်တော်မြို့ကို ၂၀၂၄ ဖေဖော်ဝါရီ ၁၃ရက်တွင် အာရက္ခတပ်တော်(AA)က တိုက်ခိုက်သိမ်းယူထားခြင်းဖြစ်သည်။ပြီးခဲ့သည့် ဧပြီ ၁၉ရက်နှင့်ဇန်နဝါရီ ၁၁ရက်ကလည်း စစ်ကောင်စီက ကျောက်တော်မြို့ကို လေကြောင်းမှ ဗုံးကြဲတိုက်ခိုက်ခဲ့ရာ ဒေသခံ ၁၀ဦးသေဆုံးခဲ့သည်။
