ဧပြီ ၂၅၊ ၂၀၂၅။ ရှိန်း/People’s Spring
မန္တလေးတိုင်း၊ တောင်သာမြို့နယ် မကျီးပင်တဲကျေးရွာကို ဒီနေ့ ညနေပိုင်းက စစ်ကောင်စီတပ်က လေကြောင်းတိုက်ခိုက်ခဲ့တာမို့ ပြည်သူ ၄ဦးခန့်ဒဏ်ရာရပြီး တစ်ဦးဒဏ်ရာပြင်းထန်တယ်လို့ ဒေသခံတွေက ပြောပါတယ်။
ဧပြီ ၂၅ရက် ဒီနေ့ နေ့လည် ၃နာရီမှာ တံတားဦး လေတပ်ကနေတက်လာတဲ့ ဂျက်ဖိုက်တာနဲ့ ကျေးရွာအတွင်းကို ဗုံးသုံးလုံးကြဲချတိုက်ခိုက်ခဲ့တာလို့ သိပါတယ်။
လေကြောင်းတိုက်ခိုက်မှုကြောင့် မကျီးပင်တဲကျေးရွာအတွင်း ပျက်စီးဆုံးရှုံးမှုများကို တွေ့ရစဥ်။ ဓာတ်ပုံ – CJ 
လေကြောင်းတိုက်ခိုက်မှုကြောင့် မကျီးပင်တဲကျေးရွာအတွင်း ပျက်စီးဆုံးရှုံးမှုများကို တွေ့ရစဥ်။ ဓာတ်ပုံ – CJ 
လေကြောင်းတိုက်ခိုက်မှုကြောင့် မကျီးပင်တဲကျေးရွာအတွင်း ပျက်စီးဆုံးရှုံးမှုများကို တွေ့ရစဥ်။ ဓာတ်ပုံ – CJ
လေကြောင်းတိုက်ခိုက်မှုကြောင့် ကျေးရွာအတွင်းက နေအိမ် ၇လုံးပျက်စီးခဲ့ပြီး အသက် ၅၁နှစ်အရွယ် ဒေါ်နုနုထိခိုက်ဒဏ်ရာ ပြင်းထန်ရခဲ့တယ်လို့ သိရပါတယ်။
Public Service Announcement
“ဘာမှမရှိဘူး။ ရွာထဲကို သပ်သပ်ကြဲသွားတာ။ သုံးခါတောင်ကြဲသွားတယ်”လို့ ဒေသခံတစ်ဦးက ပြောပါတယ်။
ဒီလအတွင်းမှာ တောင်သာမြို့နယ်ကို စစ်ကောင်စီတပ်က လေကြောင်းတိုက်ခိုက်မှု သုံးကြိမ်ပြုလုပ်ထားတယ်လို့ သိရပါတယ်။
ပြီးခဲ့တဲ့ ဧပြီ ၂၁ရက်ကလည်း တောင်သာမြို့နယ် သံဘိုရွာကို စစ်ကောင်စီက လေကြောင်းတိုက်ခိုက်ခဲ့တာမို့ ပြည်သူ ၅ဦးအထိ သေဆုံးခဲ့ပါသေးတယ်။
