ဒီပ/People’s Spring
ကရင်ပြည်နယ် ၊ မြဝတီမြို့နယ် ၊ လေးကေ့ကော်မြို့သစ် အနီးက စစ်ကောင်စီတပ်ရဲ့ စွယ်တော်ကုန်း အမြှောက်တပ်စခန်း ကို KNLA နဲ့ PDF ပူးပေါင်းတပ်တွေက သိမ်းပိုက်ပြီးတဲ့နောက်အောင်ပွဲရ တပ်ဖွဲ့ဝင်တွေကို ပြည်သူတွေက အောင် သပြေပန်းတွေနဲ့ ကြိုဆိုခဲ့ကြပါတယ် ။
ဒေသတွင်းစစ်ရေးအရ အဓိကကြတဲ့ စွယ်တော်ကုန်းစခန်းကို KNU/KNLA/KNDO ပူးပေါင်းအဖွဲ့များ ၊ Cobra စစ်ကြောင်း ၊ Venom စစ်ကြောင်း၊ Justice Soldier PDF ၊ ရောင်နီ ဒရုန်းတပ်ဖွဲ့ ၊ Golden Eagle ဒရုန်းတပ်ဖွဲ့၊ Justice Soldier ဒရုန်း တပ်ဖွဲ့ တို့နဲ့အတူ Federal Wings ရဲ့ Cobra Federal Wings နဲ့ KNDO Federal Wings တို့ ပူးပေါင်းပါဝင်ဆင်နွဲခဲ့ကြတယ်လို့ Federal Wings ဖော်ပြထားပါတယ် ။
Public Service Announcement
Cobra Column 2 Venom စစ်ကြောင်း ၊စစ်ကြောင်းမှူ ဗိုလ်စောဝင်းမြင့်နဲ့ ရဲဘော်တွေကို ဒေသခံပြည်သူတွေက အောက်တိုဘာ ၁၇ ရင်မှာကြိုဆိုခဲ့ကြတာပါ။
“ယနေ့ သီတင်းကျွတ်လပြည့်နေ့နှင့်အတူ (၇)လကျော်ကြာမြင့်ခဲ့သည့် စစ်ဆင်ရေးကြီးတစ်ခုကို အောင်မြင်စွာ အကောင်အထည်ဖော်နိုင်ခဲ့ပြီး ဖြစ်ပါတယ်။လေးကေကော် စစ်ကောင်စီ ဗျူဟာအမြောက်ကုန်း (ခ) စွယ်တော်ကုန်း တစ်ခုလုံးကို ယနေ့ သိမ်းနိုင်ခဲ့ပြီဖြစ်သည့်အတွက် အရမ်းကို အားရကျေနပ်မိပါတယ်။အကြမ်းဖက် စစ်ကောင်စီ ကင်းရှင်းသွားပြီဖြစ်သည့် သည်ဒေသက ပြည်သူတွေရဲ့ အပျော်က ဘာနဲ့မှ မလဲနိုင်ပါဘူး။
ကျနော်တို့ရဲ့ အောင်ပွဲသည် ပြည်သူတို့ရဲ့ အောင်ပွဲ ဖြစ်ပါတယ်”ဟုVENOM စစ်ကြောင်း၏ တပ်ထောက်မှူး ကိုစိုးမိုးက ဖေစ်ဘွခ်တွင်ရေးသားထားသည်။
ပြည်သူများက သပြေပန်းနှင့်ကြိုဆိုခဲ့ခြင်းအပေါ်တွင်လည်း “ပြည်သူတွေရဲ့ သည်အောင်ပွဲအပေါ့ ဝမ်းသာပျော်ရွှင်စွာ ကြိုဆိုမှုက ကျနော်တို့အတွက်။ အတိုင်းအဆမဲ့ ခွန်အားတွေရရှိစေပါတယ်။
ပြည်သူတစ်ဦးတစ်ယောက်ချင်းစီတိုင်းအား လေးစားစွာ ကျေးဇူးတင်ရှိရပါတယ်ခင်ဗျာ”ဟု ကိုစိုးမိုးကဆက်လက်ရးသားထားသည်။
ထိုစခန်းသိမ်း တိုက်ပွဲမှ ၁၂၀ မမ လက်နက်ကြီး ၂လက်နဲ့ ပွိုင့်ဖိုက် စက်သေနတ် အပါအဝင် လက်နက်များစွာ နဲ့ စစ်သုံ့ပန်းတွေရရှိခဲ့တယ်လို့ KNUကထုတ်ပြန်ပါတယ်။
အဲဒီစခန်းဟာ ထိုင်း-မြန်မာနယ်စပ်မှာတည်ရှိတော့ နယ်မြေစိုးမိုးရေးနဲ့ နယ်စပ်လုံခြုံရေးအတွက် ရည်ရွယ်တည်ဆောက်ထားတဲ့ တပ်စခန်းတစ်ခုဖြစ်သလို လေကေ့ကော် မြို့သစ်သို့ ကျူးကျော် တိုက်ခိုက်ခဲ့တဲ့ အချိန်ကစပြီး မြဝတီနဲ့ ဖလူးဒေသတစ်လျှောက် လက်နက်ကြီးတွေနဲ့ပစ်ခတ်ပြီးတော့ ပြည်သူလူထုအား အမြဲတစေ လူ့အခွင့်အရေးချိုးဖောက်မှုတွေ ကျူးလွန်နေတဲ့စခန်းလို့သိရပါတယ်။
ဒီစခန်းမှာ ၂၀၀၃ ခုနှစ်ကစပြီးထိုင်း−မြန်မာ နယ်စပ်တပ်စခန်း အဖြစ် စတင်တပ်စွဲခဲ့ပြီးတော့ အရှေ့တောင်တိုင်းစစ်ဌာနချုပ် (ရတခ) လက်အောက်ခံတပ်တွေက တာဝန်ယူတပ်စွဲခဲ့ပါတယ်။စစ်တပ် အာဏာသိမ်းပြီးနောက် ၂၀၂၁ ခုနှစ် ကစပြီးတော့ တပ်မ (၂၂) ၊ တပ်မ (၄၄) နဲ့ ကမ်းရိုးတမ်းတပ်တွေပါ လာရောက်တပ်ခဲ့တယ်လို့ KNU ကထုတ်ပြန်ထားပါတယ်။
