“Durovun həbsinin arxasında Vaşinqton dayanır”.
Gununsesi.info xəbər verir ki, bunu Rusiya Dövlət Dumasının spikeri Vyaçeslav Volodin bildirib.
Bildirilib ki, o, Amerika hakimiyyətini Telegram-ın yaradıcısı Pavel Durovun Fransada həbsini təşkil etməkdə ittiham edib: “Telegram ABŞ-ın heç bir təsiri olmayan azsaylı və eyni zamanda ən böyük internet platformalarından biridir. Eyni zamanda, onları maraqlandıran bir çox ölkələrdə fəaliyyət göstərir. ABŞ prezident seçkiləri ərəfəsində Baydenin Telegram-a nəzarəti ələ alması vacibdir”.
Volodinin sözlərinə görə, sosial şəbəkələrdə müşahidə, şantaj və təhdidlər vasitəsilə total senzura ABŞ-da “siyasi nəzarətin ənənəvi üsullarıdır”. O qeyd edib ki, əksər sosial şəbəkələr Vaşinqtonun nəzarətindədir.
İlhamə
Gununsesi.info
