Amerikalı milyarder İlon Mask Parisdə saxlanılan Teleqramın təsisçisi Pavel Durova görə Fransa Prezidenti Emmanuel Makrona müraciət edib.
Gununsesi.info xəbər verir ki, Mask Makronun Durovun həbsi ilə bağlı X sosial şəbəkəsindəki paylaşımına cavab yazıb.
“Qlobal ictimaiyyətə onun niyə həbs edildiyi barədə daha ətraflı məlumat vermək faydalı olardı”, – Mask bildirib.
Qeyd edək ki, Teleqramın təsisçisi Pavel Durov Fransanın “Le Burje” hava limanında saxlanılıb. Durov bir sıra cinayətlərdə, o cümlədən terrorizm, narkotik qaçaqmalçılığı, fırıldaqçılıq, çirkli pulların yuyulması, oğurlanmış malların idarə edilməsində ittiham oluna bilər.
Xatırladaq ki, 2021-ci ilin fevralında Durov Birləşmiş Ərəb Əmirlikləri vətəndaşlığını, avqustda isə Fransa vətəndaşlığını alıb.
Gununsesi.info
