İngiltərədə “Everyone Hates Elon” adlı qrup londonluları sənət layihələrində iştiraka dəvət edib və Tesla avtomobilini məhv etməklə reaksiyalarını nümayiş etdiriblər.
Gununsesi.info xarici mediaya istinadən xəbər verir ki, İngiltərənin paytaxtı Londonda “Hamı Elona nifrət edir” adlı kampaniya qrupu amerikalı milyarder iş adamı və Prezident Donald Trampın müşaviri İlon Maska qarşı etiraz aksiyası keçirib.
İctimai sənət layihəsi olaraq həyata keçirilən aksiyada hurda Tesla markalı avtomobil balyoz və beysbol yarasaları ilə parçalanıb, avtomobilin üzərinə yazılar yazılıb. Etirazın məqsədi “sərvət bərabərsizliyi haqqında ictimaiyyəti məlumatlandırmaq” olaraq elan edilib.
“The Guardian” qəzetinin yazdığına görə, adı açıqlanmayan şəxs sosial media kampaniya qrupunun təşkil etdiyi sənət layihəsinə 2014-cü ildə istehsal olunmuş Tesla Model S hədiyyə edib.
Londonun cənubundakı Hardess Studios-a toplaşan etirazçılar növbə ilə balyoz və beysbol yarasaları ilə avtomobili vurublar. Bazar dəyərinin 14 min lirə olduğu deyilən avtomobil yaxın həftələrdə hərraca çıxarılacaq.
Etirazda iştirak edən Kembric Universitetindən 24 yaşlı tədqiqatçı Alice Rogers özünün də İllinoys ştatından olduğuna diqqət çəkərək, “Musk konstitusiyamızı pozan davranışlar sərgiləyir. Gördüklərim məni çox narahat edir” deyib. Rocers, Muskın ixtisarları ilə bağlı narahatlıqlarını, o cümlədən USAID inkişaf agentliyinə bildirdi.
Orxan
Gununsesi.info
