Vaşinqton-Pekin ticarət müharibəsi Trampın elan etdiyi yeni tariflərlə böyüməyə davam etdikcə, Çin buna cavab olaraq Hollivuddan daha az film idxal edəcək.
Gununsesi.info xarici mediaya istinadən xəbər verir ki, Çin ABŞ-ın idxal olunan Çin mallarına 145 faizlik gömrük rüsumunun tətbiq edilməsinə dair addımına cavab verib.
Çin aprelin 10-da ABŞ prezidenti Donald Trampın Çinə tətbiq etdiyi rüsumların artırılmasına cavab olaraq Hollivud filmlərinin idxalına məhdudiyyətlər tətbiq etdiyini açıqlayıb.
Sənaye analitikləri, Çində Hollivud filmlərinin kassa gəlirlərinin son illərdə əhəmiyyətli dərəcədə aşağı düşdüyü üçün bu addımın maliyyə təsirinin kiçik olacağını söylədi.
Qeyd edək ki, Çin son 30 ildə ABŞ kino sənayesinin ürəyi sayılan Hollivuddan ildə 10 film idxal edir. Pekinin Milli Film Administrasiyası Trampın tarif addımlarının Çində ABŞ kinoteatrlarına olan daxili tələbi daha da azaldacağını bildirib.
Orxan
