Mərmərə dənizində, Böyükçekmece sahillərində 4.1 bal gücündə zəlzələ baş verib.
Gununsesi.info-nun məlumatına görə, bu barədə Türkiyənin Fövqəladə Halların İdarə Olunması Agentliyi (AFAD) xəbər yayıb.
Qeyd olunur ki, zəlzələnin episentri 7 km dərinlikdə olub.
Xatırladaq ki, aprelin 23-də İstanbulda ən güclüsü 6.2 maqnitudada olmaqla silsilə zəlzələlər baş verib. Hadisə nəticəsində 150-dən çox insan yaralanıb, bir üçmərtəbəli bina dağılıb. Hadisədən sonra azı 50 afterşok qeydə alınıb.
