İkinci Dünya Müharibəsi zamanı batmış təyyarədaşıyan gəminin qalıqları arasında aşkar edilən avtomobil gündəmdə olan mövzuya çevrilib. Müstəntiqlər avtomobilin niyə göyərtədə olduğunu və kimə məxsus ola biləcəyini öyrənməyə çalışırlar.
Gununsesi.info xarici mediaya istinadən xəbər verir ki, 80 il əvvəl İkinci Dünya Müharibəsinin ən kritik döyüşlərindən biri olan Midvey döyüşü zamanı dərin sulara qərq olan ABŞ-nin təyyarə gəmisi gözlənilməz kəşflə yenidən gündəmə gəlib.
NOAA Ocean Exploration komandası Sakit Okeanın dərinliyində, Havaydan 1600 kilometr şimal-qərbdə USS Yorktown gəmisinin qalıqlarında təəccüblü bir kəşf etdi.
Gəminin içərisində 1940-41 model olduğu güman edilən avtomobil tapılıb.
USS Yorktown 7 iyun 1942-ci ildə bir neçə Yapon torpedası ilə vurulduqdan sonra batırıldı. Ekipajın çoxu gəmini xilas etməyə çalışsa da, tapılan avtomobilin gəmidə necə qaldığına dair sirr qalmaqdadır.
NOAA tədqiqatçıları avtomobilin orada necə bitdiyini və kimə məxsus olduğunu araşdırmağa davam edir.
“Avtomobil həvəskarları üçün açıq çağırışımız var. Əminəm ki, nəyə baxdığınızı bilirsiniz, lütfən paylaşın”, – tədqiqatçılardan biri sualtı kəşfiyyat zamanı canlı yayım zamanı deyib.
Orxan
