ABŞ-ın vitse-prezidenti Kamala Harris indi respublikaçı rəqibi Donald Trampı 5 faiz üstələyir.
Gununsesi.info xəbər verir ki, bunu NBC-nin sorğusunun nəticələri sübut edir.
Harris Demokratlardan prezidentliyə namizəd olduqdan sonra sorğuda iştirak edən seçicilərin 48%-i onun haqqında müsbət fikirdə olduqlarını bildiriblər. Bu, iyulda 32% ilə müqayisədə əhəmiyyətli artımdır.
Ümumilikdə, sorğu Harrisin populyarlığının artdığını göstərir, Tramp isə sorğuda iştirak edənlərin 40%-nin dəstəyinə malikdir. Nəticələr, Harrisin 47%-42% üstünlüyünü göstərən Reuters/Ipsos sorğusu da daxil olmaqla digər milli sorğulara uyğundur.
Bu, 11 sentyabr 2001-ci il hücumlarından sonra prezident Corc Buşun populyarlığının yüksəlməsindən sonra NBC-nin sorğuladığı siyasətçilərin reytinqlərindəki ən böyük sıçrayışdır.
Yeri gəlmişkən, Harrisin 59 yaşı var. O, noyabrın 5-də keçiriləcək seçkilərdə qalib gəlsə, ABŞ tarixində ilk qadın prezident ola bilər.
Günay
Gununsesi.info
