Rusiya ilə həmsərhəd olan Finlandiyanın cənub-şərqində polis və sərhədçilər birgə patrul xidmətinə başlayıblar.
Gununsesi.info-nun məlumatına görə, bu barədə Finlandiyanın polis sözçüsü Kari Hyurylainen məlumat verib.
“Polis və sərhədçilər eyni polis avtomobilində səyahət edirlər. Bu eksperiment Rusiya ilə sərhəddəki vəziyyətlə bağlı deyil. Birgə patrulluq hakimiyyət orqanlarının sıx əməkdaşlıq təcrübəsi əldə etdikləri və öz ixtisas sahələrini inkişaf etdirə biləcəkləri bir təcrübədir”,- deyə qeyd olunur.
Hesabatda bildirilib ki, bu patrullara müntəzəm polis funksiyalarından əlavə, sərhəd rayonlarına və sərhəd keçid məntəqələrinə nəzarətlə bağlı tapşırıqların veriləcəyi gözlənilir.
Ceyhun
Gununsesi.info
