Avropalılar da türk ənənəsini tətbiq etməyə başladılar. Mütəxəssislər bu vərdişin daha sağlam olduğunu və hər kəsin buna əməl etməli olduğunu bildiriblər.
Gununsesi.info Türkiyə KİV-ə istinadən xəbər verir ki. türklərin adətlərindən biri olan evə ayaqqabı ilə girməmələri Avropada da geniş yayılmağa başlayıb. Mütəxəssislər xəbərdarlıq ediblər ki, çöldə geyilən ayaqqabılar evə ölümcül bakteriya və xərçəng yaradan kimyəvi maddələr daşıya bilər.
Mikrobioloq Dr. Manal Mohammed çöldə geyilən hər dörd cüt ayaqqabıdan birinin həyati təhlükəsi olan böyrək xəstəliklərinə səbəb olan E. coli bakteriyasının olduğunu söyləyib.
Araşdırmalar onu da göstərib ki, çirkli ayaqqabılarda qapalı məkanlarda çöldəkindən 37 dəfə çox zərərli maddələr tapılır.
Dr. Məhəmməd insanları qapıda ayaqqabılarını çıxarmağa çağırıb. Doktor Məhəmməd ailənizin zərərli mikroblara və kimyəvi maddələrə məruz qalmaması üçün evin içərisində ayaqqabı geyilməməsi lazım olduğunu söyləyib:
“Açıq havada geyilən ayaqqabılar bakteriya, allergiya və zəhərli kimyəvi maddələr daşıyır. Bunların bir çoxu ciddi sağlamlıq problemlərinə səbəb olur. Çöldə geyinilən ayaqqabılarla qapalı məkanlarda gəzmək, küçələri və küçələrdəki hər şeyi ən məhrəm yaşayış məkanlarınıza dəvət etmək kimidir. Xüsusilə azyaşlı uşaqlar üçün risklidir”.
Doktor Muhammed, qapalı yerdə ayaqqabı geyməyin başqa bir təhlükəsinin gənc uşaqların beyin inkişafına mənfi təsir etdiyi bilinən ağır metal olan qurğuşun tozunun üzərində gəzmək olduğunu söyləyib. O, xəbərdarlıq edib ki, polen kimi allergenlər çöldən ayaqqabılara yapışa, evi çirkləndirə və allergiyanı daha da pisləşdirə bilər.
Çöldə ayaqqabı geyməyin qadağan edilməsinin insanların bacara biləcəyi ən sadə və ən təsirli ictimai sağlıq tədbirlərindən biri olduğunu söyləyib.
Günel Həsənova
