ဇန်နဝါရီ – ၂၂ ၊ ၂၀၂၆ ၊ ဆိုင်းမင်း/People’s Spring
မန္တလေးတိုင်း ၊မြင်းခြံမြို့နယ် ၊ ဧရာဝတီမြစ်အရှေ့ဘက်ခြမ်းရှိ ကျေးရွာတွေကိုစစ်ကောင်စီတပ်ကစစ်ကြောင်းထိုး မီးရှို့နေတာကြောင့် ကျေးရွာ ၁၁ ရွာကပြည်သူတစ်သောင်းနီးပါးအရေးပေါ်တိမ်းရှောင်နေရပါတယ်။
ဇန်နဝါရီလ ၁၆ ရက်ကစတင်ပြီး ဧရာဝတီမြစ်အရှေ့ဘက်ကမ်း ရွာတွေဆီ ရေကြောင်းကတဆင့် အင်အား ၅၀၀ ခန့်ပါတဲ့ စစ်ကြောင်း ရောက်လာတာပါ။
“ အရေးပေါ်ပြေးလာရတော့ ဘာမှလည်းမယူလာနိုင်ဘူး”လို့ စစ်ရှောင်အရေးကူညီဆောင်ရွက်ပေးနေသူတစ်ဦးကပြောပါတယ်။ စစ်ရှောင်တွေ အတွက် စားနပ်ရိက္ခာ အဓိက လိုအပ်တယ်လို့ အသိပေးပါတယ်။
Public Service Announcement
မြင်းခြံမြို့နယ် ထဲက ဧရာဝတီမြစ်အရှေ့ဘကမ်းရှိ လေးဖျက်ခုံ ၊ ပြည်တော်သာ ၊ ဓားကျွန်း၊ တန်စောင်း၊ နတ်ညွန်း၊ အောင်ဆန်းကုန်း၊ နတ်ပေးကျွန်း၊ရဲကုန်း၊အောင်ပြည်စိုးနဲ့ ပတ္တာကျေးရွာတို့ကဒေသခံတွေ တိမ်းရှောင်နေရတာပါ။
အများစုက မြစ်တဖက်ကမ်း ရေစကြိုဘက်ဆီ တိမ်းရှောင်ကြရတယ်လို့ သိရပါတယ်။
နတ်ညွန်း၊ပတ္တာကျေးရွာတွေကို ဒီနေ့ (ဇန်နဝါရီလ ၂၂ ရက် )အထိ မီးတင်ရှို့နေပြီး ရွာလုံးကျွတ်နီးပါး နေအိမ်တွေမီးလောင်သွားတယ်လို့ ဒေသခံတွေကပြောပါတယ်။
ပတ္တာ ကျေးရွာ(ရှေ့၊နောက် )က နေအိမ် ၁,၀၀၀ကျော် မီးရှို့ခံရတယ်လို့ကနဦးသိရပါတယ်၊။
လက်ရှိမှာတော့စစ်ကောင်စီတပ်စစ်ကြောင်းကနတ်ညွန်းနဲ့ ပတ္တာကျေးရွာတွေမှာ အထိုင်ချထားတယ်လို့ သိရပါတယ်။
၂၀၂၄ ခုနှစ် ၊ ဧပြီလအတွင်း မြင်းခြံနယ်မှာကျေးရွာတစ်ရွာမီးရှို့ခံရပြီးနောက်တွေ့ရပုံ
ဓာတ်ပုံ – မြင်းခြံ ပကဖ
