ဇန်နဝါရီ ၁၅၊ ၂၀၂၆။ထားမြတ်/People’s Spring
တအာင်းအမျိုးသားတော်လှန်ရေးနေ့မှာ ဂုဏ်ပြုသဝဏ်လွှာတွေ ပေးပို့ကြတဲ့ မဟာမိတ်အဖွဲ့အစည်းတွေ၊ တော်လှန်ရေးအဖွဲ့အစည်းတွေနဲ့ နွေဉီးတော်လှန်ရေး အဖွဲ့အစည်းအသီးသီးအား မှတ်တမ်းတင် ကျေးဇူးတင်ကြောင်း တအာင်းတပ်မတော်(TNLA)က သဝဏ်လွှာ ပေးပို့တဲ့ အဖွဲ့အစည်းအမည်တွေကို ဖော်ပြ ပါတယ်။
ဇန်နဝါရီလ ၁၂ရက်နေ့မျာ ကျရောက်တဲ့ (၆၃)နှစ်ပြည့် တအာင်းအမျိုးသားတော်လှန်ရေးနေ့ အခမ်းအနားကို အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာန အပါအဝင် အဖွဲ့အစည်းတွေနဲ့ တပ်ပေါင်းစုအဖွဲ့ တွေက ဂုဏ်ပြု သဝဏ်လွှာ ပေးပို့ခဲ့တာ တွေ့ရပါတယ်။
“အာဏာရှင်စနစ်ကျဆုံးရေး၊ ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး၊ အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရှိရေးတို့အပါအဝင် တအာင်းတစ်မျိုးသားလုံး အဖိနှိပ်ခံဘဝလွတ်မြောက်ရေးနှင့် တအာင်းပြည်နယ်တည်ဆောက်ရေးအတွက် တော်လှန်တိုက်ပွဲဝင်နေသည့် မိမိတို့ PSLF/TNLA အဖွဲ့အစည်းထံ မဟာမိတ်အဖွဲ့အစည်းများ၊ တော်လှန်ရေးအဖွဲ့အစည်းများနှင့် နွေဉီးတော်လှန်ရေး အဖွဲ့အစည်းအသီးသီးမှ ပေးပို့ကြသော ဂုဏ်ပြုသဝဏ်လွှာများကို မှတ်တမ်းတင်ထားပြီး ၎င်းအဖွဲ့အစည်းအသီးသီးအား အထူးကျေးဇူးတင်ရှိပါသည်” လို့ TNLAက ထုတ်ပြန်ပါတယ်။
Public Service Announcement
သဝဏ်လွှာ ပေးပို့ခဲ့ကြတဲ့ အဖွဲ့တွေထဲမှာ TNLA ရဲ့ညီနောင်မဟာမိတ် နှစ်ဖွဲ့ဖြစ်တဲ့ မြန်မာနိုင်ငံအမှန်တရားနဲ့တရားမျှတသော အမျိုးသားပါတီ (MNTJP/MNDAA) ၊ ရက္ခိုင်အမျိုးသားအဖွဲ့ချုပ် (ULA/AA)၊ ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန၊ အမျိုးသားညီညွတ်ရေးအစိုးရကာကွယ်ရေးဝန်ကြီးဌာန စစ်ရုံးချုပ် ပြည်သူ့ကာကွယ်ရေးတပ်မတော်(မန္တလေး) တို့ ပါဝင်ကြောင်း ထုတ်ပြန်ပါတယ်။
ဒါ့အပြင် မွန်ပြည်လွတ်မြောက်ရေးတပ်တော် (MLA)၊ ဗမာပြည်သူ့လွတ်မြောက်ရေးတပ်မတော် – BPLA၊ ပြည်သူ့လွတ်မြောက်ရေးတပ်မတော် – PLA၊ စစ်ကိုင်းပြည်သူ့ကာကွယ်ရေးတပ်မတော်၊ ဓနုပြည်သူ့လွတ်မြောက်ရေးတပ်ဦး – DPLF//DPLA၊ အမျိုးသားညီညွတ်ရေးအစိုးရကာကွယ်ရေးဝန်ကြီးဌာန ပြည်သူ့ကာကွယ်ရေးအဖွဲ့ ကျောက်မဲခရိုင်၊ နွေဦးတော်လှန်ရေးမဟာမိတ်တပ်ပေါင်းစု SRA၊ ရှမ်းပြည်နယ်မြောက်ပိုင်းမဟာမိတ်တပ်တော် (N.S.S.A.A)၊ နိုင်ငံတကာရောက် တအာင်းအဖွဲ့အစည်း- ITC၊ ပအိုဝ်းအမျိုးသားဖက်ဒရယ်ကောင်စီ – PNFC တို့လည်း သဝဏ်လွှာ ပေးပို့ပါတယ်။
မွန်ပြည်သစ်ပါတီ(စစ်အာဏာရှင်တိုက်ဖျက်ရေး)/ရာမညမွန်တပ်တော်(NMSP-AD/RMA)၊ တအာင်းပြည်ကောင်စီ – TLC၊ ပြည်သူ့ကာကွယ်ရေးတပ်မတော် မိုးကုတ်ဗျူဟာ၊ ဗမာ့တပ်တော် BAMAR ARMY၊ ဗမာလွတ်မြောက်ရေး ဒီမိုကရက်တစ်တပ်ဦး(BLDF) ၊ International Ta’ang Community (ITC)၊ ပြည်သူ့တော်လှန်ရေးတပ်ဉီး – PRF တို့ကလည်း ဂုဏ်ပြုသဝဏ်လွှာ ပေးပို့ခဲ့ပါတယ်။
ဒီနှစ် တအာင်းအမျိုးသားတော်လှန်ရေးနေ့ အခမ်းအနားကို TNLA သိမ်းပိုက်ထိန်းချုပ်ထားတဲ့ မန်တုံမြို့မှာ ပြုလုပ်ခဲ့ရာ အင်အား ၁၅၀၀ ကျော်နဲ့ စစ်ရေးပြ တာလည်း ပါဝင်ပါတယ်။ဒါ့အပြင် အခမ်းအနားကို ပြည်သူလူထု သောင်းချီ ပါဝင်ခဲ့ကြောင်းလည်း TNLAက ထုတ်ပြန်ထားပါတယ်။
