ဇန်နဝါရီ ၁၂၊၂၀၂၆။ သုည/People’s Spring
ကရင်နီပြည်နယ်ရှိ နေရာဒေသ (၁၀) နေရာကျော်မှာ ဒေသခံပြည်သူတွေ ပူးပေါင်းပြီး စစ်ကောင်စီရဲ့ရွေးကောက်ပွဲ ဆန့်ကျင်တဲ့ မီးထွန်းသပိတ်လှုပ်ရှားမှုကို ပြုလုပ်ခဲ့ပါတယ်။
အဆိုပါ လှုပ်ရှားမှုကို ဇန်နဝါရီ ၁၁ရက် ညနေပိုင်းမှာ ပြုလုပ်ခဲ့ပြီး စစ်ကောင်စီရဲ့ ရွေးကောက်ပွဲဆန့်ကျင်ကန့်ကွက်ရေးကော်မတီအဖွဲ့က ဦးဆောင်ကာ နေရာဒေသအသီးသီးမှာ လုပ်ဆောင်ခဲ့တာ ဖြစ်ပါတယ်။
အဆိုပါ လှုပ်ရှားမှုမှာ “ လိမ်ညာမှုကို မဲနှင့်ဖုံး၊ ပြည်သူ့အသံကိုပိတ်ပြီး မဲရေတွက်လို့ ဒီမိုကရေစီမဖြစ်နိုင်” ၊ “ အတုအယောင်ရွေးကောက်ပွဲအလိုမရှိ” ၊ “ မဲပေးဖို့ဆန္ဒအလိုမရှိ” ၊ “ ဖက်ဆစ်ရွေးကောက်ပွဲသပိတ်မှောက် ဖက်ဒရယ်လမ်းကို ရဲရဲလျှောက်” ၊ “ သင့်မဲဖြင့် တရားဝင်လူသတ်ခွင့်မပေးနှင့်” အစရှိတဲ့ စာသားတွေကို ဖယောင်းတိုင်ထွန်း ပုံဖော်ပြီး ဆန္ဒထုတ်ဖော်ခဲ့ပါတယ်။
Public Service Announcement
