ထန်းတပင်နဲ့ လှိုင်သာယာမှာ ​စစ်တပ်အရာရှိ ၂ ဦး​သောင်းကျန်း​နေ

ရန်ကုန်တိုင်း ၊ထန်းတပင်မြို့နယ်တွင်အခြေချနေသော စစ်ကြောင်းမှ ဒုတိယဗိုလ်မှူးကြီးအောင်ကို( တပ်ရင်းမှူး) နဲ့ သူ့PSOဗိုလ်ကြီး မျိုးသန့်တို့ကထန်းတပင် နဲ့ လှိုင်သာယာမြို့နယ်တစ်ဝိုက်မှာလက်နက်၊အာဏာ၊ရာထူးအားကိုးဖြင့် ကျွန်တော်တို့ပြည်သူများကိုအကြောင်းမဲ့ နှိပ်စက်ရိုက်နှက်နေပါတယ်။

သူတို့ ၂ ​ယောက်ဟာထန်းတပင် နဲ့လှိုင်သာယာတစ်ဝိုက်ရှိကျေးရွာ အုပ်ကြီးများနဲ့ပေါင်းကာ စစ်မှုထမ်းလူစုဆောင်းက​နေအခကြေးငွေ ရယူနေကြပါတယ်။ အုပ်ကြီးတွေကစစ်သားသစ် စုတာ မလိုက်ချင်တဲ့သူတွေဆီက ငွေတောင်းပါတယ်။

ငွေကြေးတတ်နိုင်သူဆိုရင် ကျပ်သိန်း ၈၀ ၊၁၀၀၀န်းကျင် တောင်းပါတယ်။မရှိသူဆိုရင်တောင် သိန်း ၅၀ လောက် တောင်းပါတယ်။ ကိုယ်စား လိုက်မဲ့သူတွေကိုရှာပြီး တကယ်တမ်းပေးရင်သိန်း ၂၀ ၊ ၂၅ လောက်ပဲပေးတယ်။ ကျန်တဲ့​ငွေကို အုပ်ကြီး​တွေ နဲ့ သူတို့ ၂ ​ယောက်က ခွဲဝေယူကြတာပါ။

သူတို့ဟာအနောက်ပိုင်းတက္ကသိုလ် ၀န်းကျင်နားက ရွာတွေ အဓိကကျက်စားပါတယ်။

Public Service Announcement

ဒါအပြင်ထန်းတပင်မြို့နယ်ရှိကုက္ကိုလ်ဝတံတား မှာဂိတ်ဖွင့်ပြီး ဖြတ်သန်းသွားလာတဲ့ယာဥ်​တွေကို ဆက်ကြေးများကောက်ယူနေပါတယ်။တရားမဝင်သစ်ကားများ၊မူးယစ်ဆေးဝါးကားများကိုလည်း တံတားတာဝန်ခံ ဗိုလ်ကြီးမျိုးသန့်နဲ့ညှိပြီး လာဘ်ယူ၍ ခွင့်ပြု​ပေး​နေပါတယ် ။ ဂိတ်ဖွင့်ဆက်​ကြေး​ကောက်ယူမှုက​နေတစ်လ တစ်လ ကျပ်သိန်းရာချီ လာဘ်စား​နေကြတာပါ ။ထန်းတပင် ၊လှိုင်သာယာတစ်ဝိုက်ရှိသုံးဘီးယာဥ် ၊ဆိုင်ကယ်ဂိတ်၊ဆိုက်ကားဂိတ်များမှလည်း လစဥ် ဂိတ်ကြေးများ စစ်ကြောင်းအတွက်ဆိုပြီး ကောက်ခံပါတယ်။

သးတို့ရဲ့ထန်းတပင်စစ်ကြောင်းမှာ တပ်ရင်းမှူး ဒု ဗိုလ်မှူးကြီးအောင်ကို နဲ့ သူ့PSO ဗိုလ်ကြီး မျိုးသန့်၊ အခြားအရာရှိတစ်ဦးနဲ့ ​အောက်​ခြေတပ်ဖွဲ့ဝင် အင်အား ၂၀ ၊၂၅ ဦး၀န်းကျင်ရှိမယ်လို့ခန်းမှန်းရပါတယ် ။ သူတို့ကထန်းတပင်ကုက္ကိုလ်၀ တံတားမှာ အဓိကစခန်းချထားတာ​တွေ့ရပါတယ် ။

ထန်းတပင် ၊လှိုင်သာယာတစ်ဝိုက်မှာ ဖဲဝိုင်း ကြက်ဝိုင်းလောင်းကစားဝိုင်း​တွေကိုလည်း ပိုက်ဆံ ယူပြီးတရားဝင် ခွင့်ပြုထားပါတယ်။ ဒါအပြင်ငွေကြေးအရှုပ်အရှင်းများ၊ လယ်ယာမြေအရှုပ်အရှင်းများ၊ လူမှုရေးအရှုပ်အရှင်းများ၊အကြွေးတောင်း ကိစ္စ များတွင်လည်း လာ​ရောက်တိုင်ကြားသူများထံမှ လာဘ်​ငွေယူကာ ပြည်သူ​တွေကိုလက်နက်ဖြင့် ခြိမ်းခြောက်ကာ အတင်းဖိအားပေးလက်မှတ်ထိုးစေတာမျိုး​တွေလည်း လုပ်​နေကြပါတယ်။

စစ်သားဆရာတပည့် ၂ဦးဟာ လာဘ်​ငွေမှန်သမျှ စားတာကြောင့် ၂၀၂၅ ​မေ လကမှ ထန်းတပင်ကို ရောက်ရှိလာပြီး အခုစက်တင်ဘာလ​ရောက်တဲ့အခါ ကျပ်သိန်းထောင်ချီကား နဲ့ မြေ ကွက်​တွေ ဝယ်ယူ နိုင်​နေကြပြီဖြစ်ပါတယ်။

PSO ဗိုလ်ကြီး မျိုးသန့်ဟာနယ်ခံ ဇိုးလူမိုက်​တွေနဲ့ပေါင်းပြီး​တော့ သူတို့နဲ့မတည့်တဲ့သူ​တွေ ၊ သူတို့စကားနားမထောင်သောသူ​တွေကို လိုက်ပြသနာရှာပြီး ဗက မျိုးသန့် ကိုယ်တိုင် ထိုးကြိတ်တာ ၊ ရိုက်နှက်တာ ၊ သွေးထွက်သံယိုဖြစ်အောင် ရိုက်နှက်တာ၊ ကားနဲ့ လိုက်တိုက်တာ​တွေအထိ ကျူးလွန်​နေပါတယ် ။ရိုက်နှက် ထိုးကြိတ်ပြီးလျှင် တိုင်ချင်ရာတိုင် စောက်ဂရုမစိုက်ဘူး သေချင်လား ဆိုပြီး အသက်အန္တရာယ်ကိုပါ ခြိမ်းခြောက်​နေပါတယ်။

ကျူးလွန်ခံရတဲ့ ပြည်သူ​တွေက လက်နက်၊ ရာထူး ကို ကြောက်တာ​ကြောင့်ပြန်မလုပ်ရဲ မတိုင်ရဲတာမို့ဗက မျိုးသန့်ဟာ ပိုဆိုးလာပါတယ် ။ ဒီလိုနဲ့ ရာထူးအာဏာကိုတလွဲ အသုံးချပြီး မိုက်ကြေးခွဲ ဆတ်ကြေးကောက် မှောင်ခို လုပ်ငန်းမှန်သမျှ လုပ်ကိုင်​နေတာ​ကြောင့် ချမ်းသာလာပါတယ် ။ကျွန်တော်တို့ နယ်ခံ ပြည်သူ​တွေမှာ သူတို့ကို ကြောက်ရလို့ သူတို့ပြုသမျှ နု နေရပါတယ်။

မတရားရတဲ့ငွေတွေနဲ့ KTV ​တွေ၊မာဆတ်တွေကို အားနေရင်သွားလာ​ပျော်ပါးကြပါတယ်။ညဘက်တွေ ကားနဲ့ ထွက်ကြပါတယ်။ထန်းတပင် နဲ့လှိုင်သာယာတစ်ကြော KTV ၊မာဆတ်​တွေကိုအားတိုင်းသွား​ရောက်​ပျော်ပါး​နေကြပါတယ် ။

မျိုးသန့်က နယ်ခံ ဇိုးလူမိုက်တွေ လက်သပ်မွေးပြီး သူတို့ နဲ့ မတည့်သူတိုင်း အကြောင်းမရှိရိုက်နှက်ထိုးကြိတ်တက်ပါတယ်။

ဒုတိယဗိုလ်မှူးကြီးအောင်ကိုနဲ့ သူ့PSOဗိုလ်ကြီး မျိုးသန့်တို့ ရာထူး အာဏာအလွဲသုံးပြီး ထင်ရာစိုင်းနေ​တာကို အများပြည်သူသိရှိ​အောင် ကျွန်တော်တို့ ပြည်သူ​တွေက သတင်းပေးတိုင်ကြားလိုက်တာဖြစ်ပါတယ်။

-ထန်းတပင်နဲ့ လှိုင်သာယာ နယ်ခံများ