စက်တင်ဘာ−၂၀၊ ၂၀၂၅။ ထားမြတ်/People’ Spring
စစ်ကိုင်းတိုင်း၊ ကလေးဝမြိုနယ်၊ ဆင်အိုင်မကျေးရွာအနီးတိုက်ပွဲအတွင်း ပျူစောထီး ၁ဦး လက်နက်နှင့်အတူ ဖမ်းမိခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန အမှတ်(၁) စစ်ဒေသက သတင်းထုတ်ပြန်သည်။
အောင်ချမ်းသာ(ပျူ)ရွာစခန်းနှင့် ဆင်အိုင်မ(ပျူ)ရွာမှ ရိက္ခာရှာထွက်လာသော ပျူစောထီး ပူးပေါင်းအင်အား (၄၀) ခန့်အား စက်တင်ဘာ ၁၇ရက်တွင် ဆင်အိုင်မကျေးရွာအနီး၌ တိုက်ခိုက်ခဲ့ခြင်းဖြစ်သည်ဟု ဆိုသည်။
အဆိုပါ တိုက်ပွဲအတွင်း ရန်သူ့ဘက်မှ (၃)ဦး ထိခိုက်ဒဏ်ရာရပြီး ပျူစောထီးအဖွဲဝင် ၁ဦး ဖမ်းမိကြောင်း၊ BA-63 သေနတ် (၁) လက်၊ ကျည်ဘောက် (၁) ခုနှင့် ကျည် ၂၅ တောင့် သိမ်းရခဲ့ကြောင်း အသိပေးသည်။
Public Service Announcement
အဆိုပါ စစ်ဆင်ရေးကို ကလေးခရိုင် အမှတ် (၅) တပ်ရင်း၏ တပ်ရင်းမှူး ညွှန်ကြားမှုဖြင့် ကလေးခရိုင် အမှတ် (၅၊ ၉) နှင့် ကလေးဝမြိုနယ် ပကဖ၊ မင်းကင်းမြိုနယ် ပကဖ တို့ ပူးပေါင်း ဖော်ဆောင်ခဲ့ခြင်းဖြစ်သည်ဟု ထုတ်ပြန်သည်။
