သြဂုတ်-၄၊၂၀၂၅။သုည/People’s Spring
သြစတြေးလျနိုင်ငံရောက်မြန်မာများဦးဆောင်၍ မကြာခင်ရောက်လာတော့မည့် (၃၇)နှစ်မြောက် ရှစ်လေးလုံး အထိမ်းအမှတ် အကြိုလှုပ်ရှားမှုအနေဖြင့် ကမ္ဘာလုံးဆိုင်ရာ ရှစ်လေးလုံး ထီးသပိတ်ကို ယနေ့ (သြဂုတ် ၄) ပြုလုပ်ခဲ့သည်။
သြစတြေးလျနိုင်ငံဆစ်ဒနီမြို့ရှိအထိမ်းအမှတ်နေရာများတွင် ပြည်ပရောက်မြန်မာနိုင်ငံသားများ စုပေါင်းကာ (၈) သင်္ကေတရိုက်နှပ်ထားသည့် ထီး လေးချောင်း ကိုင်ဆောင်ပြီး ကမ္ဘာလုံးဆိုင်ရာ ရှစ်လေးလုံး ထီးသပိတ်ကိုပါဝင်ခဲ့ကြသည်။
သြဂုတ်(၃)ရက်ကယူအေအီးနှင့်တောင်ကိုရီးယားနိုင်ငံတို့တွင်လည်းမြန်မာနိုင်ငံသားများက ကမ္ဘာလုံးဆိုင်ရာ ရှစ်လေးလုံးထီးသပိတ်အကြို လှုပ်ရှားမှုအဖြစ် (၈) သင်္ကေတရိုက်နှပ်ထားသည့် ထီးများကိုင်ဆောင်ပြီး ဆန္ဒထုတ်ဖော်ခဲ့သည်။
Public Service Announcement
(၃၇)နှစ်မြောက်ရှစ်လေးလုံးအထိမ်းအမှတ်အဖြစ် ကမ္ဘာလုံးဆိုင်ရာ ရှစ်လေးလုံးထီးသပိတ်လှုပ်ရှားမှုပြုလုပ်ကြရန် ရန်ကုန်လူထုသပိတ်က တိုက်တွန်းထားသည်။
ရန်ကုန် လူထုသပိတ်အနေဖြင့်ရှစ်လေးလုံးအထိမ်းအမှတ် ၈ သင်္ကေတရိုက်နှိပ်ထားသည့် ထီးများကို ရောင်းချထားသောကြောင့် ကမ္ဘာ့နိုင်ငံအသီးသီးမှ အဆိုပါထီးများအပါအဝင် ၈ ဂဏန်းနှင့် သက်ဆိုင်သည့်အရာများဖြင့် သပိတ်လှုပ်ရှားမှုပြုလုပ်ရန် ဩဂုတ် ၁ရက် တွင်နှိုးဆော်ထားသည်။
