စစ်အုပ်စုက ဗုံးကြဲပြီးစစ်ရာဇဝတ်မှု​တွေပိုကျူးလွန်လာတာဘာ​ကြောင့်လဲ

​မေလ ၉ ရက်​​နေ့မှာ အာဏာသိမ်း​ခေါင်း​ဆောင်မင်း​အောင်လှိုင်ဟာ ရုရှားနိုင်ငံ​မော်စကိုမြို့မှာတရုတ်သမ္မတရှီကျင့်ဖျင်ကို တွေ့ဆုံခွင့်ရခဲ့ပါတယ်။

တရုတ်သမ္မတဟာ မြန်မာအာဏာသိမ်း​ခေါင်း​ဆောင်ကို အာဏာသိမ်းပြီး ၄ နှစ်​ကျော်အတွင်းပထမဆုံးအကြိမ်​လက်ခံ​တွေ့ဆုံခဲ့တာဖြစ်ပါတယ်။ဒါဟာ တရုတ်အစိုးရက အာဏာသိမ်းစစ်​အုပ်စုဘက်က ရပ်တည်တယ်ဆိုတာကိုအထင်အရှားပြသတာလို့ ​ပြည်သူ​တွေကအစ ​နိုင်ငံ​ရေး​လေ့လာသူ​တွေအဆုံးသုံးသပ်ကြပါတယ်။

အာဏာသိမ်း​ခေါင်း​ဆောင်ဟာ ရုရှားက​နေ ​မေလ ၁၀ ရက်ညပြန်​ရောက်ပြီး ​နောက်​ ၂ ရက်အကြာမှာ စစ်​ကောင်စီဟာ ဒီပဲယင်းမြို့နယ် ၊အိုးတိန်တွင်းရွာ​ကျောင်းကို ဗုံးတည့်တည့်ကြဲလို့ ​ကျောင်းသား​ကျောင်းသူ ၂၁ ဦးနဲ့ဆရာမ ၂ ဦး​ စုစု​ပေါင်း ၂၃ ဦး​သေဆုံးခဲ့ပြီး ၁၀၀ ​ကျော်ဒဏ်ရာရခဲ့ပါတယ်။ စစ်အုပ်စုဟာ သမိုင်းတ​လျှောက်ဖျက်အားအပြင်းဆုံးငလျင်လှုပ်ပြီး​တော့ နိုင်ငံတကာကို ယာယီအပစ်ရပ်တယ်လို့ လိမ်ညာပြီး ဗုံးကြဲခြင်းအမှုကို ​ဆက်တိုက်ပြုလုပ်​နေတာပါ ။

ငလျင်မလှုပ်ခင်​ရော ၊ငလျင်လှုပ်ပြီး​ရော၊ မင်း​အောင်လှိုင်ရုရှားမသွားခင်​ရော၊သွား​နေတုန်း​ရော၊ပြန်လာပြီး​တော့​ရော နိုင်ငံတစ်ဝန်းပတ်ဗုံးကြဲခဲ့ပါတယ် ။ဒါ​ကြောင့် မတ်လ ၂၈ရက်က​နေ မေလ ၉ ရက်အထိ တစ်လခွဲခန့်တွင်းမှာ တိုင်းနှင့် ပြည်နယ် ၁၃ခုမှာစစ်​ကောင်စီက လေကြောင်းတိုက်ခိုက်မှု ၃၇၂ကြိမ် ပြုလုပ်ခဲ့ပြီး​တော့ ပြည်သူ ၃၃၄ ဦး သေဆုံးပြီး ၅၅၂ဦး ဒဏ်ရာရခဲ့တယ်လို့ အမျိုးသားညီညွတ်​ရေးအစိုးရကထုတ်ပြန်ထားပါတယ် ။

Public Service Announcement

ဒါ​ပေမယ့် ​မေ ၁၂ ရက်​နေ့ကစပြီး စာသင်​​​ကျောင်း​တွေ ၊​ကျေးရွာ​တွေ ၊မြို့​ပေါ်​တွေ စတဲ့ပြည်သူ​တွေရှိတဲ့​နေရာ​တွေကိုပဲပစ်မှတ်ထားဗုံးကြဲပြီးအစုလိုက်အပြုံလိုက်သတ်ဖြတ်တာကပိုဆိုးဝါးလာပါတယ် ။

မင်း​အောင်လှိုင် ရုရှားကပြန်လာပြီး​နောက်​​​နေ့ဖြစ်တဲ့ ​မေ ၁၁ ရက်က​နေ ​မေ ၁၃ ရက်အထိ စစ်အုပ်စုရဲ့​လေ​ကြောင်းတိုက်ခိုက်မှုအချက်အလက်​တွေကို People’s Spring ကစု​ဆောင်းတဲ့အခါ အနည်းဆုံးအကြိမ်​ပေါင်း ၁၁ ကြိမ်ရှိပြီး က​လေးငယ်​တွေအများစုအပါအဝင်ပြည်သူ ၄၃ ဦး​သေဆုံးပြီး ၁၄၇ ဦးဒဏ်ရာရခဲ့တာ​တွေ့ရပါတယ် ။ ဗုံးကြဲခံရပြီးဒီစာရင်းမှာမပါ​သေးတဲ့ အချက်အလက်​တွေ​လည်းကျန်ရှိနိုင်ပါ​သေးတယ်။

ပဇီကြီး ၊လက်ယက်ကုန်း ၊အနမ့်ပါ ၊မိုဆိုရွာ ၊ အိုးတိန်တွင်း က​နေ ​နောက်ဆုံး ထွန်းရ​ဝေရွာအထိ စစ်တပ်ကျူးလွန်ခဲ့တဲ့ အစုလိုက်အပြုံလိုက်သတ်ဖြတ်မှု​တွေဟာ စစ်တပ်အာဏာသိမ်းပြီး​နောက်ပိုင်း ၄ နှစ်​ကျော်အတွင်းအကြိမ်​ပေါင်းရာချီ​နေပြီဖြစ်ပါတယ် ။အများစု ကို​လေ​ကြောင်းက​နေ ဗုံးကြဲပြီး ပြည်သူ​တွေကို သတ်ဖြတ်​နေတာဖြစ်ပါတယ် ။

ဒါ​ကြောင့် မင်း​အောင်လှိုင်ဟာ စီကျင်းပင်နဲ့ ​တွေ့ဆုံပြီးနောက်ပိုင်း ပြည်သူ​တွေကိုပစ်မှတ်ထားပြီးပိုဗုံးကြဲသတ်ဖြတ်လာသလားဆိုတဲ့ ​မေးခွန်း​မေးစရာဖြစ်လာပါတယ်။ ဒါမှမဟုတ် စစ်​ကောင်စီဟာ ​မေလ ၈ ရက် နဲ့ ၉ ရက်​နေ့​တွေမှာ ထိုင်းနယ်စပ်ထီးခီးစစ်စခန်းကြီး၊ ​တ​ခေါ်ဘီခွီးစခန်း နဲ့ ရွှေကျင်က ခမရ (၅၉၈)တပ်ရင်းစတဲ့ အ​ရေးပါတဲ့စစ်စခန်း​တွေကို ​တော်လှန်​ရေးတပ်​တွေဆီ ဆုံးရှုံးလိုက်ရလို့ ပြည်သူ​တွေကို အာရုံ​ပြောင်း​ဖို့၊စိတ်ဓါတ်ကျ​​အောင်၊​​​ ကြောက်စိတ်ဝင်​အောင်တမင် ဗုံးကြဲသတ်ဖြတ်​နေတာလားဆိုတာလည်း​ မေးခွန်းထုတ်စရာဖြစ်​နေပါတယ် ။ ​စစ်​အုပ်စုဟာ တော်လှန်​ရေးအဖွဲ့​တွေကို စစ်နိုင်​အောင်မတိုက်နိုင်​တော့လို့ ပြည်သူ​တွေကိုပဲအညှိုးထား ဗုံး သတ်ဖြတ်​နေတာလား ။

ဒါမှမဟုတ် ​တော်လှန်​ရေးတပ်​တွေ နဲ့ ပြည်သူ​​တွေကို ​သွေးခွဲဖို့ အတွက်ပြည်သူ​တွေကို ဦးတည်ဗုံးကြဲသတ်ဖြတ်​နေတာလား။

အာဏာသိမ်းစစ်အုပ်စုဟာပြည်သူ​တွေအစုလိုက်အပြုံလိုက်​သေ​​စေတဲ့ စစ်ရာဇဝတ်မှု​တွေ ဆက်တိုက်ကျူးလွန်​နေတာဘာ​ကြောင့်လဲဆိုတာ စာဖတ်သူ​တွေရဲ့ ထင်မြင်ချက်​တွေကိုလည်း ဝင်​ရောက်​ဆွေး​​ပေး​စေလိုပါတယ် ။