“Ukraynanın hərbi xidmətə çağırış yaşının aşağı salınmasına ehtiyac ola bilər”.
Gununsesi.info xəbər verir ki, Ali Radanın Milli Təhlükəsizlik, Müdafiə və Kəşfiyyat Komitəsinin katibi Roman Kostenko Radio NV-də müsahibəsində deyib.
Bunun hansı halda baş verəcəyini izah edən Kostenko Rusiyada səfərbərlik elan olunarsa, oxşar qərara baxıla biləcəyini qeyd edib.
“Ukraynada çox güman ki, hərbi xidmətə çağırış yaşının aşağı salınmasına ehtiyac olacaq”– deyə o, əlavə edib.
Onun sözlərinə görə, Kremlin bu cür hadisələri həyata keçirməkdən qorxduğu barədə danışılır, lakin Moskva hələ də onları öz üzərinə götürməyə qərar verə bilər.
Kostenko vurğulayıb ki, Ukrayna Rusiyaya güclə müqavimət göstərmək üçün kifayət qədər adam toplaya bilir.
Buna görə də, ruslar arasında səfərbərlik elan olunarsa, Kiyev də buna reaksiya verməli olacaq.
O, qeyd edib ki, hakimiyyət, xüsusən də Vladimir Zelenski bu cür qərarlara hazır olub-olmadıqlarını başa düşməlidirlər.
Şəbnəm
