ABŞ prezidenti Co Bayden administrasiyası prezident Vladimir Zelenskinin Rusiyaya qarşı müharibədə qalib gəlmək planını kifayət qədər təfərrüatlı hesab edir.
Gununsesi.info xəbər verir ki, bu barədə “The Wall Street Journal” məlumatlı rəsmilərə istinadən məlumat yayıb.
Qeyd olunur ki, bu plan əlavə silahların verilməsi və uzaqmənzilli raketlərin istifadəsinə qoyulan məhdudiyyətlərin aradan qaldırılması üçün “yenidən paketlənmiş sorğu” adlandırılıb.
Zelenski bu planı ABŞ administrasiyasının ilk dəfə tam şəkildə eşidəcəyi cümə axşamı Ağ Evdəki görüşdə Baydenlə ətraflı müzakirə etməyi planlaşdırır.
Eyni zamanda, planın əsas aspektləri ilə tanış olan bəzi amerikalı və avropalı rəsmilər qeyd edirlər ki, planda Rusiya qoşunlarının döyüş meydanında daim irəliləməsi fonunda Ukraynanın qələbəsinə nail olmaq üçün aydın strategiya yoxdur.
Bayden administrasiyasının rəsmiləri deyirlər ki, Ukrayna planının ən detallı hissəsi silah tələbləridir. Siyasi islahatlar və iqtisadiyyatla bağlı digər əsas elementlər daha az spesifik olaraq qalır.
Bu arada, OP Nyu-Yorkda BMT Baş Assambleyası çərçivəsində keçirilən görüşdə Zelenskinin Baydenə Ukraynadakı, o cümlədən cəbhədəki vəziyyətlə bağlı məlumat verdiyini bildirib.
“Vladimir Zelenski əsas diqqəti Qələbə Planı məsələsinə yönəltdi. Liderlər bunu sentyabrın 26-da Vaşinqtonda danışıqlar zamanı müzakirə etmək barədə razılığa gəliblər”, – məlumatda deyilir.
Gununsesi.info
