Fitnes modeli olan Loni Willison keçmiş həyat yoldaşı Jeremy Jacksonun şiddətinə məruz qaldıqdan sonra boşanıb və bu səbəbdən küçələrdə yaşamağa başlayıb.
Gununsesi.info xarici mediaya istinadən xəbər verir ki, küçəyə atılan yeməklərlə və küçədən topladığı əşyalarla, yaşamına davam edən Willison Los-Ancelesdəki zibillikdə elə paltar axtararkən görüntülənib.
Boşandıqdan sonra evsiz qalan, pis vədişlər qazanan və psixi sağlamlığını itirən model Los-Anceles küçələrində həyatını beləcə davam etdirir.
Model onu görüntüyə alan müxbirlərə: “Məni yoldaşım bu vəziyyətə gətirdi. 8 ildir küçədə yaşayıram, zibillikdən tapdığım yeməklərlə qidalanıram. Sığınacaqlara getmək istəmirəm. Qapalı məkanlarda artıq qala bilmirəm, çünki 1 il orada az qala hər gün mənə elektrik verirdilər. Evsiz olmağın ən gözəl tərəfi təbiətlə iç-içə olmaqdır. Mən artıq özbaşına yaşaya bilirəm. Heç kəsin vecinə deyiləm. İnsanları görmək istəmirəm, onlar da məni görmək istəmir”,- deyə model bildirib.
