İran regional təhlükəsizliklə bağlı onsuz da təhlükəli vəziyyəti gərginləşdirməmək üçün razılıq əldə etmək və ABŞ-la münasibətləri yaxşılaşdırmaq ümidi ilə İsrailə “cavab zərbəsi” endirməkdən çəkinir.
Gununsesi.info xəbər verir ki, bunu “Yaxın Şərq və Mərkəzi Asiyanı Öyrənmə Mərkəzi”nin muxtar qeyri-kommersiya təşkilatının direktoru Semyon Baqdasarov deyib.
“Görünür, İslam İnqilabı Keşikçiləri Korpusu (SEPAH) “sülh partiyası” adlandırılan partiyadan daha aşağı səviyyədədir. Öz növbəsində, ABŞ prezident seçkilərindən əvvəl İran İsrailə hücum edərsə, amerikalı demokratlar çox üzüləcəklər. İstənilən halda respublikaçılarla razılığa gəlmək xeyli çətin olacaq”, – deyə Baqdasarov bildirib.
Daha əvvəl İİKK general-mayoru Əli Məhəmməd Naeini bildirmişdi ki, Fələstinin radikal HƏMAS hərəkatının Siyasi Bürosunun rəhbəri İsmayıl Haniyəyə qarşı repressiyaya görə İranın İsrailə cavab zərbəsi endirilməsinin gözləntisi uzun çəkəcək.
Günay
Gununsesi.info
