Birləşmiş Ərəb Əmirlikləri (BƏƏ) Fransa ilə hərbi-texniki əməkdaşlığın tamamilə “dondurulması” imkanını nəzərdən keçirir.
Gununsesi.info xarici mediaya istinadən xəbər verir ki, buna səbəb Telegram-ın təsisçisi Pavel Durovun həbsidir.
KİV-in məlumatına görə, Durovun həbsindən sonra BƏƏ Fransadan 80 qırıcı təyyarənin alınması ilə bağlı müqaviləni artıq dondurub.
Bundan əvvəl BƏƏ Xarici İşlər Nazirliyi Fransadan Parisdə saxlanılan Pavel Durova BƏƏ vətəndaşı kimi bütün lazımi konsulluq xidmətlərindən yararlanmağı təmin etməyi xahiş etmişdi.
“Əmirliklər Le Burje hava limanında Fransa hakimiyyəti tərəfindən saxlanılan Telegram sosial şəbəkəsinin təsisçisi Əmirlik vətəndaşı Pavel Durovun işini diqqətlə izləyir. Və onlar Fransa hökumətinə təcili olaraq bütün lazımi konsulluq xidmətləri ilə təmin edilməsi tələbini çatdırdılar”, – deyə Əmirliyin Xarici İşlər Nazirliyi nəşrdə bildirib.
BƏƏ-nin silahlarının əksəriyyəti Qərb istehsalıdır, lakin 2011-ci ildən bu yana 388 Fransız Leclerc tankı ilə xidmətdədir. 1998-2000-ci illərdə Fransadan (“Mirage-2000-9”) və ABŞ-dan (F-16C/D Blok 60) eyni sinifli təyyarələrin tədarükü üçün iki böyük müqavilə bağlanıb.
2021-ci ildə Fransanın Dassault Aviation şirkəti BƏƏ ilə F4 modifikasiyasında 80 Dassault Rafale qırıcısının tədarükü üçün müqavilə imzalayıb. Təxminən 17 milyard avro dəyərində olan müqaviləyə Abu Dabi tərəfindən 12 ədəd Airbus Helicopters H225M çoxməqsədli helikopterin alınması da daxildir.
Xatırladaq ki, avqustun 26-da Paris prokurorluğu Telegram messencerinin təsisçisi Pavel Durova qarşı ittiham irəli sürüldüyünü elan edib. İş iyulun 8-də açılıb və “ad açıqlanmayan şəxs”lə bağlı 12 cinayətdə ittiham olunur.
Afət
Gununsesi.info
