ABŞ-ın Oreqon ştatında kiçik təyyarə uçuş-enmə zolağından çıxaraq suya çırpılıb. Təyyarədə olan 5 nəfər yaralanıb.
Gununsesi.info xarici mediaya istinadən xəbər verir ki, ABŞ-nin Oreqon ştatında yerləşən Cənub-Qərbi Oreqon Regional Hava Limanı qəza ilə bağlı Facebook səhifəsindən açıqlama verib.
Açıqlamada, Oreqondan Yutaya getməyə hazırlaşan 2019-cu il model “HA-420” tipli təyyarənin səhər saatlarında hava limanının uçuş-enmə zolağından çıxaraq suya düşdüyü bildirilib.
Açıqlamada təyyarənin daha sonra sudan çıxarıldığı və qəzada yaralanan 5 nəfərin xəstəxanaya aparıldığı bildirilib.
Orxan
