ရန်ကုန်မြို့တော်ခန်းမရှေ့မှာ စစ်တပ်​​ရွေးကောက်ပွဲဆန့်ကျင်​ကြောင်း တစ်ကိုယ်တော်ဆန္ဒပြတဲ့လူငယ် ဖမ်းဆီးခံရ

ဇန်နဝါရီ-၁၂၊၂၀၂၆။ သုည/People’s Spring

ရန်ကုန်မြို့ ဆူးလေဘုရားအနီးက မြို့တော်ခန်းမအရှေ့မှာ စစ်တပ်​​ရွေးကောက်ပွဲကို ဆန့်ကျင်​ကြောင်း တစ်ကိုယ်တော်ဆန္ဒပြတဲ့ လူငယ်တစ်ဦး ဖမ်းဆီးခံရကြောင်း Rangoon Scout Network က ဖော်ပြထားပါတယ်။

အဲဒီလူငယ်ဟာ ယမန်နေ့ (ဇန်နဝါရီ ၁၁)က စစ်တပ်ရဲ့ ရွေးကောက်ပွဲ အပိုင်း(၂) ပြုလုပ်နေချိန် မနက် ၉ နာရီမှာ “ Reject the illegal election” စာတန်းကိုင်ဆောင်ပြီး ဆန္ဒထုတ်ဖော်ခဲ့တာပါ။

“ မနေ့က မြို့တော်ခန်းမရှေ့မှာ ကလေးတစ်ယောက် သေချာကို ခုံနဲ့ထိုင်ပြီး ဆန္ဒပြသွားတာပါ။ တစ်ယောက်ထဲ တကိုယ်တော်ဆန္ဒပြတာလို့ သိရပါတယ်။ ဆန္ဒပြပြီး ခဏနေတော့ ရဲတွေရောက်လာပြီး ကျောက်တံတားရဲစခန်းကို ဖမ်းသွားပါတယ်” လို့ ကျောက်တံတားမြို့နယ်နေ ပြည်သူတစ်ဦးက ပြောပါတယ်။

Public Service Announcement

ဖမ်းဆီးခံရတဲ့လူငယ်ဟာ အသက်(၂၁)နှစ်အရွယ် ကိုမင်းထက်ဆိုသူ ဖြစ်ပြီး တာမွေမြို့နယ် နတ်မောက်ရပ်ကွက်မှာ နေထိုင်သူဖြစ်ပါတယ်။

စစ်​ကောင်စီရဲ့ရွေးကောက်ပွဲအပိုင်း (၂)ကို ရန်ကုန်မြို့မှာဆက်လက်ပြုလုပ်တာမှာ မဲ​ပေးသူနည်းခဲ့သလို မဲ​ပေးခဲ့သူ​တွေအများစုကလည်း စစ်​ကောင်စီရဲ့ ဖိအားပေးခြိမ်းခြောက်မှု​တွေကြောင့်

​ကြောက်လို့ မဲပေးခဲ့ရတယ်လို့ ပြည်သူ​တွေက​ပြောပါတယ်။

စစ်တပ်​ရွေး​ကောင်ပွဲအပိုင်း (၂)ကို မြို့နယ်​ပေါင်း ၁၀၀ မှာဒီ​နေ့ လုပ်​နေတာမှာ ရန်ကုန်မြို့က ၁၆ မြို့နယ်ပါဝင်ပါတယ်။ပထမပိုင်းမှာ ရန်ကုန်မြို့က ၁၂မြို့နယ် ပါဝင်ခဲ့ပြီး မဲထွက်​ပေးသူအလွန်နည်းတာ​​ကြောင့် ဒီအကြိမ်မှာ စစ်အုပ်စုက ပြည်သူ​တွေကို မဲ​ပေးဖို့ ပိုပြီးဖိအား​ပေးလာတယ်လို့ ​ဒေသခံပြည််သူ​တွေက​ပြောပါတယ်။

ရွေးကောက်ပွဲမကျင်းပမီ တစ်ရက်အလိုထိ မဲထွက်ပေးဖို့ သက်ဆိုင်ရာရပ်ကွက်၊ကျေးရွာဥက္ကဌတွေက အသံချဲ့စက်နဲ့လိုက်လံအော်ခဲ့သလို မဲမ​ပေးရင် ဈေးသည်တွေကိုဈေးရောင်းချခွင့်ပိတ်မယ်ဆိုပြီး ခြိမ်းခြောက်ထားတယ်လို့ ရန်ကုန်မြို့​နေပြည်သူအချို့က​ပြောပါတယ်။အလားတူလူ

ငယ်တွေကိုလည်း မဲမ​ပေးရင် စစ်မှုထမ်းစာရင်းထဲထည့်မယ်လို့ခြိမ်း​​ခြောက်ပြီးမဲ​ပေးဖို့ဖိအား​ပေးတယ်လို့ရန်ကုန်မြို့​နေ လူငယ်အချို့က​ ပြောပါတယ်။