ဇူလိုင်-၁၇၊၂၀၂၅။ဇေအောင်/People’s Spring
စစ်ကောင်စီရေယာဥ်တွေဆန်တက်လာလို့ မန္တလေး-မိုးကုတ်ကူးတဲ့ ဇက်ဆိပ်တွေ ဒီနေ့ကစပြီးယာယီပိတ်ထားတယ်လို့ဒေသခံတွေကပြောပါတယ်။
ဇူလိုင် ၁၇ ရက်နေ့ မနက်ပိုင်းကစပြီး မန္တလေး-မိုးကုတ် ခရီးသည်တွေသွားတဲ့ စစ်ကိုင်းတိုင်း၊ ဝက်လက်မြို့နယ်ဘက်ခြမ်းနဲ့ မန္တလေးတိုင်း၊ စဥ့်ကူးမြို့နယ်ဘက်ခြမ်းကိုကူးတဲ့ ဧရာဝတီမြစ်ကမ်းက ဇက်ဆိပ်တွေ ယာယီပိတ်ထားလိုက်တာဖြစ်ကြောင်း ဒေသခံတွေက ပြောပါတယ်။
“ဇက်ပေးမကူးတော့တာ။မနက်ကသွားတဲ့သူတွေ အကုန်ပြန်ကွေ့ရတယ်”လို့ စဥ့်ကူးဒေသခံတဦးက ပြောပါတယ်။
Public Service Announcement
မန္တလေးမြို့၊ ဂေါဝိန်ဆိပ်ကမ်းကနေ စစ်တပ်ရေယာဥ် ၂၇ စီးဟာ ဧရာဝတီမြစ်ကြောင်းအတိုင်း ဆန်တက်လာလို့ ဇက်ပေးမကူးတော့တာဖြစ်နိုင်တယ်လို့ ဒေသခံတွေက ပြောပါတယ်။
မန္တလေး-မိုးကုတ်ခရီးသွားတွေဟာမန္တလေး-မိုးကုတ်လမ်းပိုင်းနေရာတချို့မှာ တိုက်ပွဲတွေကြောင့် ရေလမ်းကနေပတ်ပြီးသွားလာနေရတာဖြစ်ပါတယ်။
ဂေါဝိန်ဆိပ်ကမ်းက ဆန်တက်လာတဲ့ စစ်ကောင်စီရေယာဥ်တွေမှာ တိုက်ခိုက်ရေးသင်္ဘော ၅စီးလည်း ပါဝင်ပြီး ဒီကနေ့ညနေ ၃ နာရီခွဲဝန်းကျင်မှာတော့ မတ္တရာမြို့နယ်၊ ဥဒိန်ရွာအနောက်ဘက်ကိုရောက်ရှိနေတယ်လို့စစ်ကိုင်းတိုင်းရေလမ်း/ရေပြင် ကင်းထောက်နေတဲ့ Yay Pyin အဖွဲ့က အသိပေးထားပါတယ်။
အခြား ကင်းထောက်တဖွဲ့ဖြစ်တဲ့ The voice of wetlet madayar စာမျက်နှာကတော့ အဆိုပါ စစ်တပ်သင်္ဘောတွေထဲက တိုက်သင်္ဘော (၅)စီး၊ဖလပ်(၇)စီးဟာ ရှိမ္မကားအရှေ့မှာ ကျောက်ဆူးချနေတယ်လို့ ညနေ ၄ နာရီခွဲကျော်ကျော်မှာ အသိပေးထပါတယ်။
