မေ-၁၀၊၂၀၂၅။ကဖေး/People’s Spring
ဗန်းမော်မြို့၊ ညောင်ပင်ရပ်ကွက်မှ စစ်ဘေးရှောင်များခ်ိုလှုံနေသည့်တောင်လေးလုံဘုန်းကြီးကျောင်းကို စစ်ကောင်စီကပြီးခဲ့သည့် မေလ ၈ရက်တွင်ဗုံးဖြင့်ကြဲချခဲ့သည့်ရုပ်သံမှတ်တမ်းယနေ့ထွက်ပေါ်လာသည်။
စစ်ကောင်စီက မေ ၈ ရက် ညနေပိုင်းတွင် ဗန်းမော်မြို့၊ ကမ်းနားလမ်းရှိ ကမ်းနားရိပ်သာဘုန်းကြီးကျောင်း နှင့် ညောင်ပင်ရပ်ကွက်ရှိတောင်လေးလုံးဘုန်းကြီးကျောင်းကိုဂျက်ဖိုက်တာဖြင့်ဗုံးကြဲတိုက်ခိုက်ခဲ့ခြင်းဖြစ်သည်ဟု ဗန်းမော်စစ်ရှောင်တစ်ဦးကပြောသည်။
Public Service Announcement
တောင်လေးလုံးဘုန်းကြီးကျောင်း လေကြောင်းတိုက်ခိုက်ခံရမှုကြောင့် စစ်ဘေးရှောင်များ ထိခိုက်သေဆုံးမှုအခြေအနေကိုမူ မသိရှိရသေးပေ။
၁ မိနစ်ခွဲကျော်သောရုပ်သံမှတ်တမ်းတွင် ရာနှင့်ချီသော စစ်ဘေးရှောင်များကို KPDF တပ်ဖွဲ့ဝင်အချို့က ပြောင်းရွေ့ရန်ပြင်ဆင်နေစဥ် ဗုံးကြဲခံရခြင်းဖြစ်သည်။စစ်ဘေးရှောင်အချို့ ဒဏ်ရာရရှိပြီး စစ်ဘေးရှောင်များငိုကြွေးနေကြသည်ကိုလည်းတွေ့ရသည်။
ဗန်းမော်မြို့တွင် တိုက်ပွဲပြင်းထန်နေစဉ် ဒေသခံ ၄၀၀ ကျော် ခိုလှုံနေသည့်ကမ်းနားရိပ်သာဘုန်းကြီးကျောင်းကို ဗုံးကြဲမှု၌ စစ်ရှောင် ၁၅ဦးထက်မနည်းသေဆုံးပြီး ၃၀ကျော် ဒဏ်ရာသွားကြောင်း ဗန်းမော်မြို့စစ်ရေးသတင်းများဖော်ပြပေးနေသည့် Banmaw Scout Team နှင့် ဒေသတွင်းစစ်ရေးရင်းမြစ်အချို့ကပြောသည်။
” ဗန်းမော်ကမ်းနားရိပ်သာ နဲ့ တောင်လေးလုံးကျောင်းမှာစစ်ရှောင်တွေစုနေတာစစ်တပ်အသိဆုံးပါ။ စစ်တပ်ကဗန်းမော်တိုက်ပွဲစတာနဲ့ညောင်ပင်ရပ်၊မင်းကျောင်းကုန်းကလူတွေကိုရပ်ကွက်ထဲကနေသေနတ်ပစ်ခြိမ်းခြောက်ထုတ်ပြီး မြို့ကထွက်ဖို့မောင်းထုတ်တယ်။မရှောင်နိုင်တဲ့သူတွေ၊ တပ်မိသားစုတချို့ကိုကမ်းနားရိပ်သာမာစစ်ရှောင်ခိုင်းစေခဲ့ပါတယ်။စစ်တပ်ကတောင်လေးလုံးနဲ့ကမ်းနားရိပ်သာမှာစစ်ရှောင်တွေရှိတာသိသိနဲ့တပ်စွဲခဲ့တာပါ။ညောင်ပင်ရပ်၊မင်းကျောင်းကုန်းရပ်ကွက်ရောအကုန်တပ်ဆွဲခဲ့တာ ဗန်းမော်ကသူတွေအသိဆုံးပါ။တော်လှန်းရေးတပ်တွေကစစ်တပ်တပ်စွဲထားနဲ့ တောင်လေးလုံးကျောင်းကနေရာတချို့ကိုထိုးစစ်ဆင်တယ်။စစ်တပ်ဆုတ်သွားတဲ့အခါ စစ်ရှောင်ပြည်သူတွေကိုခေါ်ထုတ်ပေးတယ်။ကမ်းနားရိပ်သာဘက်ကလူတွေကိုခေါ်ထုတ်တယ်။ပြီးရင်ဘေးလွတ်ရာကိုရွေ့ပေးဖို့လုပ်နေတဲ့အချိန်မှာဗုံးကြဲတယ်ဆိုတာစစ်ရှောင်တွေကိုသာကိုယ်တွေ့မေးကြည့်ပါ”ဟုဖော်ပြထားသည်။
စစ်ကောင်စီဝါဒဖြန်တယ်လီဂရန်ချန်နယ်များ၊ဖေစ်ဘွခ်အကောင့်များက KIA နှင့် PDF များကို ဗုံးကြဲခြင်းဟုလည်းကောင်း ၊ KIA နှင့် PDF များကစစ်ရှောင်များကိုလူသားဒိုင်းလုပ်ထား၍ ဗုံးကြဲခြင်းဟုလည်း ဝါဒဖြန့်ချီရေးသားဖြန့်ဝေနေကြသည်။ဗုံးကြဲမှုကြောင့် စစ်ဘေးရှောင်များမထိဘဲ KIA နှင့် PDF များသာထိခိုက်ခဲ့ကြောင်း ၎င်းတို့ကသတင်းအမှားဖြန့်ချီခဲ့ကြသည်ကိုတွေ့ရသည်။
ဗန်းမော်မြို့သိမ်းတိုက်ပွဲမှာ ငါးလကျော်ပြီဖြစ်သော်လည်း အခြားဒေသသို့ ပြောင်းရွေ့ရန်ငွေကြေးမတက်နိုင်သူများ ၊မြို့မှ မပြောင်းရွေ့လိုသူများ နှင့် မိုးမောက်၊မန်စီမြို့သိမ်းတိုက်ပွဲများတိုက်ခိုက်စဥ် ဗန်းမော်မြို့သို့ပြောင်းရွေ့လာသောစစ်ဘေးရှောင်များမှာ တိုက်ပွဲပြင်းထန်နေသောလည်း မြို့ရှိ ဘုန်းကြီးကျောင်းများ ၊ကျောင်းများ၊ဘာသာရေးအဆောက်အအုံအချို့တွင် တိမ်းရှောင်နေကြရခြင်းဖြစ်ကြောင်း ဒေသခံအချို့ကပြောသည်။
ရုပ်သံ-Nyan Lin Aung /Banmaw Scout Team
