မိုးမိုး/People’s Spring
ချင်းပြည်နယ် တီးတိန်မြို့နယ်အတွင်းရှိ ဘိန်းစိုက်ခင်း ဧက၂၀ကျော်ကို ဇိုလဲန်းပြည်သူ့ရဲ့တပ်ဖွဲ့ (People’s Police Force-Zoland) နှင့် ဇိုလဲန်း ပြည်သူ့ကာကွယ်ရေးတပ်ဖွဲ့(PDF-Zoland) တို့ ပူးပေါင်းဖျက်ဆီးခဲ့ကြောင်း PDF ဇိုလဲန်း တာဝန်ရှိသူ တစ်ဦးက ပြောသည်။
အောက်တိုဘာ ၂၂နှင့် ၂၃ ရက်တွင် ဘိန်းစိုက်ခင်းများကို ဖျက်ဆီးခဲ့ခြင်းဖြစ်ကြောင်း ၎င်းက ဆိုသည်။
“စီးပွားရေးသမားအချို့နဲ့ ဆက်စပ်ပြီး နေရာဒေသအချို့မှာ စိုက်တဲ့သဘောပါ”ဟု PDF ဇိုလဲန်းတပ်ဖွဲ့ တာဝန်ရှိသူက ပြောသည်။
Public Service Announcement
စစ်တပ်အာဏာသိမ်းပြီးနောက်ပိုင်း တီးတိန်မြို့နယ်အတွင်း ဘိန်းစိုက်ပျိုးမှု သိသာစွာတိုးလာကြောင်း၊ ဒေသတွင်း၌ ဘိန်းစိုက်ခင်းများ ကျန်ရှိနေသေးကြောင်း ၎င်းက ဆိုသည်။
“သတိပေးစာအရင်ပေးတယ် လိုက်နာမှုရှိရင် ပိုကောင်းတာပေါ့။ မလိုက်နာဘူးဆိုရင် ဖျက်စီးလိုက်ရုံပါ။”ဟု PDF ဇိုလဲန်း တာဝန်ရှိသူက ပြောသည်။
PDF ဇိုလဲန်းတပ်ဖွဲ့သည် ချင်းညီနောင် အဖွဲ့ဝင် ချင်းဒေသကာကွယ်ရေးတပ်ဖွဲ့ဖြစ်ပြီး ချင်းညီနောင်နှင့် မဟာမိတ် အာရက္ခတပ်တော်(AA)တို့ ပူးပေါင်းပြီး ချင်းပြည်နယ် မတူပီမြို့သိမ်းတိုက်ပွဲ၊ ကန်ပက်လက်မြို့နယ် ကျင်ဒွေးမြို့သိမ်းတိုက်ပွဲများဆင်နွှဲခဲ့ကြောင်း အသိပေးထားသည်။
