Gəncə şəhərində 4 nəfərin xəsarət alması ilə nəticələnən yol qəzası baş verib.
Gununsesi.info xəbər verir ki, hadisə şəhərin Gülüstan qəsəbəsində qeydə alınıb.
“VAZ 2107” markalı avtomobil digər maşınla toqquşub. Qəza nəticəsində Şəmkir rayon sakinləri 1967-ci il təvəllüdlü Rəna Əhmədova, 1969-cu il təvəllüdlü Məlahət Eyyubova, 1985-ci il təvəllüdlü Vasif Məmmədov və 1991-ci il təvəllüdlü Zəkiyə Heydərova müxtəlif dərəcəli bədən xəsarətləri alıb. Yaralılar Gəncədə yerləşən xəstəxanalardan birinə yerləşdirilib.
Qəzaya düşən şəxslər Şəmkirdə orta məktəb müəllimləridir. Onların vəziyyətləri kafidir.
Faktla bağlı araşdırma başlanılıb.
