Hollandiya Futbol Federasiyası “Barselona”nın və “Ayaks”ın əfsanəvi futbolçusu Yohan Neeskensin 73 yaşında dünyasını dəyişdiyini açıqlayıb.
Gununsesi.info xarici mediaya istinadən xəbər verir ki, Neeskens 1974 və 1978 FIFA Dünya Kuboklarında ikinci olan Hollandiya millisinin əsas oyunçusu idi.
Qeyd edək ki, futbolçu Ajax-da üç dəfə avrokubok və iki dəfə yerli liqa qazanmağa kömək edib.
O, beş mövsüm İspaniya nəhəngi “Barselona”da keçirərək, Kataloniya komandası ilə Kral Kubokunu və Avropa Kubok Qalibləri Kubokunu qazanmışdır.
Hollandiya Futbol Federasiyasının verdiyi açıqlamada aşağıdakı ifadələr yer alıb:
“Hollandiya Futbol Assosiasiyasını Yohan Neeskensin gözlənilmədən vəfatı xəbəri dərindən kədərləndirib. Yohan bizim ən böyüklərimizdən biri idi. Həyat yoldaşı Marlis, uşaqları Kristian, Tamara, Bianca və Armand, nəvələri Djoy və Loveye, qohumlarına, həmçinin dostlarına bu böyük itki qarşısında güc diləyirik. Hüzur içində yat, Yohan.
Onun adı Ayaks və Barselona kimi klublardakı Avropa uğurları və Hollandiya millisi ilə iki Dünya Kubokunun final oyunu ilə əbədi olaraq anılacaq. Xarakterik driblingləri, möhtəşəm fikirləri və simvolik penaltiləri ilə o, ölkəmiz üçün oynayan ən vacib və ən sevilən oyunçulardan biri olaraq qalacaq.”
Günel Həsənova
Gununsesi.info
