Qəzza bir ildir qurudan, havadan və dənizdən intensiv hücumlara məruz qalır. Ölənlərin əksəriyyəti qadın və uşaqlardır. Hücumlardan sarsılan Qəzzanın infrastrukturu tamamilə dağılıb.
Qəzzalılar bir ildir ki, müharibəni dayandırmaq üçün beynəlxalq ictimaiyyətdən kömək gözləyirlər. Amma o kömək əli heç vaxt uzanmadı. Əksinə, İsrailin qırğınları günü-gündən artdı. Gəlin Qəzzada humanitar böhranın nə dərəcədə olduğuna nəzər salaq.
Təəssüf ki, dünya bir ildir ki, Qəzzadan gələn yardım fəryadlarını qulaq ardına vurur.
Beynəlxalq ictimaiyyətin əksəriyyəti laqeyd qaldığından, İsrailin Qəzzaya hücumları artıb.
Bu hücumlar sərhəd tanımır, hətta soyqırıma qədər çıxıb.
BMT-nin məruzəçisi Tlalenq Mofokenq deyir ki, Qəzzada baş verənləri “soyqırım”dan başqa bir sözlə təsvir etmək olmaz və rəqəmlər də bunu göstərir.
İsrailin Qəzzaya hücumlarında 150 min ev tamamilə, 200 min ev isə qismən dağılıb. 80 min ev yaşayış üçün yararsız hala düşüb.
İsrail hədəf seçərkən heç bir qaydaya əməl etməyib. Xəstəxanalar, təcili yardım maşınları, məktəblər və məscidlər vurulub.
Səhiyyə ocaqlarının 95 faizi qismən və ya tamamilə zədələnib. Onlarla xəstəxana, yüzlərlə məktəb və xəstələri daşıyan 130-dan çox təcili yardım maşını hədəfə alınıb.
İnsanların həyatını xilas etmək üçün çalışan 500-dən çox tibb işçisi həlak olub.
Aclıq və susuzluqla mübarizə aparan Qəzza xalqına köməyə gələn 210-dan çox BMT əməkdaşı həlak olub.
Hədəflər arasında 820 məscid və üç kilsə də vurulub.
Eyni zamanda Qəzzada su ehtiyatlarının 70 , çörək zavodlarının 75 faizi məhv edilib.
Həmçinin kənd təsərrüfatı sahələrinin 60 faizi məhv edilib.
Qəzza əhalisinin qidalanmasında mühüm rol oynayan balıqçılıq fəaliyyətləri də tamamilə dayandırılıb və nəticədə aclıq və qıtlıq artıb.
Qəzza əhalisinin 96 faizinin qidaya çıxışı problemi var. Hər beş Qəzzalıdan biri aclıqla mübarizə aparır.
Birləşmiş Millətlər Təşkilatının Uşaq Fondu UNICEF-in məlumatına görə, Qəzzada hər 10 uşaqdan 9-u ciddi qida çatışmazlığı ilə üzləşib.
Qəzza əhalisi ehtiyac duyduqları yardımın yalnız dörddə birini ala bilir.
Qeyri-adekvat qidalanma və gigiyena şəraitinin olmaması da epidemik xəstəliklərin riskini artırır.
Zibil yığa bilməmək də böyük problemdir. Yoluxucu xəstəliklər, xüsusilə poliomielit və hepatit artmaqdadır.
Qəzzada su çatışmazlığı da böyük problemdir. Qəzzalılar su tapmaq üçün kilometrlərlə piyada getməli olurlar.
Su tapmaq üçün kilometrlərlə yol qət edən fələstinlilərdən biri belə deyir: “Su qaldığımız yerdən çox uzaqdadır. Bir saat yarımdır piyada gedirəm və hələ də qaldığımız yerə çatmamışam. Su tapmaq üçün səy göstərirəm. Mənim uşaqlarım üçün İsrail əsgərləri Cibaliye Qaçqınlar Düşərgəsindəki bütün su hövzələrini məhv etdilər.”
Qəzzanın səhiyyə sistemi ilə yanaşı, təhsil sistemi də çöküb. Bir ildir ki, uşaqlar və gənclər məktəbə gedə bilmirlər.
Təhsil hüququndan məhrum edilən uşaqlardan biri deyir : “Keçən il 6-cı sinfə gedəcəkdim. Bu il 7-ci sinfə getməliyəm, amma gedə bilmirəm. Oxuduğum sinif otaqları , yazıb oxuyanlar indi köçkünlərlə doludur. Əvvəllər idman etmək üçün sıraya düzülürdük, indi yardım təşkilatlarının payladığı yeməkləri alırıq və su almaq üçün növbəyə dururuq”.
Qəzza İsrailin hücumları səbəbiylə böyük bir köçün şahidi olub. Demək olar ki, bütün əhali evlərini tərk etməli oldu. Üstəlik dəfələrlə yerlərini dəyişiblər. Onlar ümidsizcə təhlükəsiz yer axtarırdılar. Hara getsələr, İsrail bombaları onları qarşılayırdı.
Bu proses boyunca qəzzalılar yaddaşlarına həkk olunmuş və ağır travmaya səbəb olan hadisələrin şahidi oldular.
İsrailin Qəzzaya hücumları böyük dağıntılarla səbəb oldu.
Qeyd edilir ki, Qəzzanın yenidən qurulmasına illər çəkəcək və 40-50 milyard dollara başa gələcəyi təxmin edilir.
Şəbnəm
Gununsesi.info
